31.1.2017   

MT

Il-Ġurnal Uffiċjali tal-Unjoni Ewropea

L 26/1

(1)

L-Eurosistema teħtieġ li tagħmel użu minn statistiċi dwar il-partita tal-karta tal-bilanċ u r-rati tal-imgħax ta' istituzzjonijiet monetarji finanzjarji individwali, miġbura skont ir-Regolament (UE) Nru 1071/2013 tal-Bank Ċentrali Ewropew (BĊE/2013/33) (2) u r-Regolament (UE) Nru 1072/2013 tal-Bank Ċentrali Ewropew (BĊE/2013/34) (3) għall-finijiet tal-politika monetarja, tal-istabbiltà finanzjarja u tal-politika makroprudenzjali kif ukoll għal kompiti relatati mas-superviżjoni mikroprudenzjali ta' istituzzjonijiet ta' kreditu fi Stati Membri taż-żona tal-euro.

(2)

L-Artikolu 8 tar-Regolament (KE) Nru 2533/98 ġie emendat bir-Regolament tal-Kunsill (UE) 2015/373 (4) sabiex jipprovdi espressament għall-kondiviżjoni ta' informazzjoni statistika kunfidenzjali li tkun inġabret bl-iskop li jitwettqu l-kompiti tas-SEBĊ, ukoll għall-finijiet tas-superviżjoni prudenzjali u għall-istabbiltà tas-sistema finanzjarja.

(3)

Il-banek ċentrali nazzjonali (BĊNi) għandhom ikunu meħtieġa jibagħtu lill-Bank Ċentrali Ewropew (BĊE) l-istatistika meħtieġa dwar il-partita tal-karta tal-bilanċ u r-rati tal-imgħax ta' istituzzjonijiet finanzjarji monetarji (IFM) individwali li jkunu miġbura skont l-Artikolu 5 tal-Istatut tas-Sistema Ewropea ta' Banek Ċentrali u tal-Bank Ċentrali Ewropew.

(4)

L-Artikolu 12 tal-Linja Gwida BĊE/2014/15 tal-Bank Ċentrali Ewropew (5) dwar il-forniment ta' dejta bankarja kkonsolidata lill-BĊE għandu jiġi aġġornat sabiex jieħu f'kunsiderazzjoni l-istandards tekniċi ta' implimentazzjoni li ġew żviluppati riċentament mill-Awtorità Bankarja Ewropea u approvati mill-Kummissjoni Ewropea fir-Regolament ta' Implimentazzjoni tal-Kummissjoni (UE) Nru 680/2014 (6). Peress li dawn ir-regoli aġġornati jinkludu dispożizzjonijiet dwar id-dejta bankarja internazzjonali kkonsolidata meħtieġa, l-Artikolu 13 tal-Linja Gwida BĊE/2014/15 m'għadux meħtieġ u għandu jitħassar.

(5)

Il-Linja ta Gwida BĊE/2014/15 tal-Bank Ċentrali Ewropew għandha tiġi emendata f'dan is-sens,

1.

L-Artikolu 12 huwa mibdul b'dan li ġej:

“Artikolu 12

Dejta bankarja kkonsolidata

Il-BĊNi għandhom jirrapportaw dejta bankarja kkonsolidata skont il-Parti 9 tal-Anness II u għandhom isegwu r-regoli kunċettwali u metodoloġiċi stipulati fih meta jipprovdu dik id-dejta.

Il-BĊNi għandhom jirrapportaw dejta bankarja kkonsolidata skont l-Istandards ta' Implimentazzjoni Teknika [Implementing Technical Standards (ITS)] tal-Awtorità Bankarja Ewropea u l-Awtorità Ewropea (ABE) li ddaħħlu permezz tar-Regolament ta' Implimentazzjoni tal-Kummissjoni (UE) Nru 680/2014 (*1) u fejn applikabbli skont obbligi ta' rapportar nazzjonali. Il-BĊNi għandhom jipprovdu dejta attwali, fejn disponibbli. Meta dejta attwali ma tkunx disponibbli jew ma tistax tiġi pproèssata, il-BĊNi għandhom jipprovdu estimi nazzjonali akkumpanjati b'noti metodoloġiċi. Meta l-infomazzjoni statistika li jkollha tiġi pprovduta ma tkunx totalment skont l-istandards ta' rapportar ITS tal-ABE jew rekwiżiti ta' rapportar nazzjonali, il-BĊNi għandhom jipprovdu noti metodoloġiċi b'rabta mal-oqsma fejn l-istandards ma jintlaħqux totalment.

Waqt li jimmiraw għall-kopertura massima possibbli, il-BĊNi għandhom jispeċifikaw kwalunkwe istituzzjonijiet ta' kreditu esklużi mill-popolazzjoni li tirrapporta u għandha tingħata spjegazzjoni tar-raġunijiet għall-esklużjoni tagħhom. Istituzzjonijiet ta' kreditu jew gruppi ta' istituzzjonijiet maġġuri, li jkunu relevanti mill-perspettiva tal-istabbiltà finanzjarja, m'għandhomx ikunu preklużi mill-popolazzjoni li tirrapporta.

Id-dejta miġbura għandha tkun ikkonsolidata bis-sħiħ fuq bażi transkonfinali u transettorjali, fejn “transkonfinali” tirreferi għall-friegħi u s-sussidjarji ta' banek domestiċi li jkunu jinsabu barra s-suq domestiku u inklużi fid-dejta rrapportata mill-istituzzjoni prinċipali, waqt li “transettorjali” tinkludi l-friegħi u s-sussidjarji ta' banek klassifikabbli bħala istituzzjonijiet finanzjarji oħrajn. Il-kumpanniji tal-assigurazzjoni m'għandhomx ikunu inklużi fid-dejta kkonsolidata.

Dejta bankarja kkonsolidata għandha tiġi rrapportata separatament għal:

Banek sinifikanti għall-finijiet tal-MSU u banek inqas sinifikanti għall-finijiet tal-MSU huma istituzzjonijiet ta' kreditu stabbiliti fi Stati Membri parteċipanti u friegħi stabbiliti fi Stati Membri parteċipanti minn istituzzjoni ta' kreditu stabbilita fi Stat Membru mhux parteċipanti. Id-distinzjoni bejn entitajiet taħt superviżjoni sinifikanti u inqas sinifikanti hija stabbilita fl-Artikolu 6(4) tar-Regolament tal-Kunsill (UE) Nru 1024/2013 (*2) u l-Parti IV tar-Regolament (UE) Nru 468/2014 tal-Bank Ċentrali Ewropew (BĊE/2014/17) (*3).

Għall-finijiet ta' dan l-Artikolu, il-banek għandhom jiġu kklassifikati bħala gruppi bankarji kbar jew istituzzjonijiet ta' kreditu awtonomi jekk l-assi tagħhom ikunu akbar minn 0,5 % tal-assi totali kkonsolidati ta' banek tal-Unjoni Ewropea; bħala banek ta' daqs medju jekk l-assi tagħhom ikunu bejn 0,5 % u 0,005 % ta' dawk l-assi totali kkonsolidati; u bħala banek żgħar jekk l-assi tagħhom ikunu inqas minn 0,005 % ta' dawk l-assi totali kkonsolidati.

Il-BĊNi għandhom jirrapportaw dejta bakarja kkonsolidata erba darbiet fis-sena.

Sett ta' dejta sħiħ għandu jiġi rrapportat għal dejta ta' tmiem is-sena. L-ewwel sottomissjoni ta' din id-dejta annwali, li għandha ssir sa nofs April tas-sena wara s-sena li magħha tkun relatata d-dejta, għandha tinkludi l-elementi mmarkati b'* fil-Parti 9 [dejta bankarja kkonsolidata (CBD) annwali] tal-Anness II. Madankollu, is-sett ta' dejta annwali sħiħ jista' jiġi rrapportat sa nofs April jekk diġà jkun hemm dejta disponibbli. Inkella, is-sett ta' dejta annwali sħiħ għandu jiġi rrapportat sa nofs Mejju tas-sena ta' wera s-sena li magħha tkun relatata d-dejta.

Id-dejta tat-tmiem ta' Marzu, tat-tmiem ta' Ġunju u tat-tmiem ta' Settembru għandha tiġi rrapportata fil-bidu ta' Lulju, Ottubru u Jannar rispettivament bl-użu tal-mudell trimestrali u għandha tinkludi subsett ta' dejta mill-mudell annwali komprensiv. Din is-serje ta' dejta għandha tiġi rrapportata skont il-Parti 9 [dejta bankarja kkonsolidata (consolidated banking data — CBD)] fuq bażi trimestrali) tal-Anness II.

Il-BĊNi għandhom jirrevedu dejta rrapportata skont il-prinċipji ġenerali li ġejjin:

Il-BĊNi għandhom jirrapportaw lill-BĊE kwalunkwe devjazzjoni mid-definizzjonijiet u r-regoli fil-paragrafi 1, 2 u 3 sabiex jippermettu l-valutazzjoni ta' prattiki nazzjonali. Il-BĊNi għandhom jissottomettu noti spjegattivi li jispjegaw ir-raġunijiet għal dawk id-devjazzjonijiet.

(*1)  Regolament ta' Implimentazzjoni tal-Kummissjoni (UE) Nru 680/2014 tas-16 ta' April 2014 li jistabbilixxi standards tekniċi ta' implimentazzjoni fir-rigward tar-rappurtar superviżorju ta' istituzzjonijiet skont ir-Regolament (UE) Nru 575/2013 tal-Parlament Ewropew u tal-Kunsill (ĠU L 191, 28.6.2014, p. 1.)."

(*2)  Regolament tal-Kunsill (UE) Nru 1024/2013 tal-15 ta' Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta' politiki relatati mas-superviżjoni prudenzjali ta' istituzzjonijiet ta' kreditu (ĠU L 287, 29.10.2013, p. 63)."

(*3)  Regolament (UE) Nru 468/2014 tal-Bank Ċentrali Ewropew tas-16 ta' April 2014 li jistabbilixxi l-qafas għal kooperazzjoni fi ħdan il-Mekkaniżmu Superviżorju Uniku bejn il-Bank Ċentrali Ewropew u l-awtoritajiet nazzjonali kompetenti u mal-awtoritajiet nazzjonali ddenominati (Regolament Qafas dwar l-MSU) (BĊE/2014/17) (ĠU L 141, 14.5.2014, p. 1).”"

2.

L-Artikolu 13 huwa mħassar.

3.

L-Artikolu 17a li ġej huwa mdaħħal:

“Artikolu 17a

Statistiċi dwar partita tal-karta tal-bilanċ u rata tal-imgħax ta' IFM individwali

Il-BĊNi għandhom jirrapportaw statistiċi ta' BSI u MIR individwali li huma jiġbru skont ir-Regolamenti (UE) Nru 1071/2013 (BĊE/2013/33) u (UE) Nru 1072/2013 (BĊE/2013/34) għal istituzzjonijiet ta' kreditu individwali taż-żona tal-euro skont it-Tabelli 1, 2 u 3 tal-Parti 15a tal-Anness II. Il-kompożizzjoni tal-panel tal-istituzzjonijiet ta' kreditu taż-żona tal-euro koperti fir-rapportar għandha tiġi deċiża mill-Kunsill Governattiv u nnotifikata lill-BĊNi li jirrapportaw. Il-panel għandu jinkludi wkoll gruppi ta' istituzzjonijiet ta' kreditu omoġenji (eż. kooperattivi ta' kreditu jew banek ta' tfaddil) li għalihom d-dejta tkun ser tintbagħat fuq bażi aggregata. Il-BĊE jista' jaqsam din id-dejta mal-Eurosistema skont ir-Regolament (KE) Nru 2533/98.

Il-Kunsill Governattiv, skont il-parir tal-Kumitat tal-Istatistika fuq l-impatt statistiku u amministrattiv tar-rapportar, għandu jiddeċiedi dwar kwalunkwe emenda għall-iskambju tad-dejta, inkluż tibdil għall-kompożizzjoni tal-panel. Dawn id-deċiżjonijiet għandhom ikunu nnotifikati lill-BĊNi li jirrapportaw.

Is-sħubija tal-panel tista' tkun suġġetta għal emendi relatati mal-ġrajjiet li ġejjin:

Il-Kunsill Governattiv b'dan jiddelega l-poter għad-deċiżjoni fuq emendi inqas sinifikanti fil-kompożizzjoni tal-panel lill-Bord Eżekuttiv. Il-Bord Eżekuttiv jista' jissottodelega dak il-poter lil wieħed mill-membri tiegħu. Id-deċiżjoni fuq dawn l-emendi inqas sinifikanti għandha tkun ibbażata fuq parir mid-Direttorat Ġenerali tal-Istatistika tal-BĊE f'komunikazzjoni mal-BĊNi rilevanti. Il-Kunsill Governattiv għandu jinżamm aġġornat dwar il-bidliet inqas sinifikanti fuq bażi regolari.

Il-BĊNi għandhom jiżguraw li l-informazzjoni fuq il-panel tiġi rreġistrata b'mod korrett fid-Database tar-Reġistru ta' Istituzzjonijiet u Affiljati (Register of Institutions and Affiliates Database — RIAD) skont l-Anness V. Il-BĊNi għandhom jagħmlu l-emendi meħtieġa għall-informazzjoni rreġistrata meta s-sħubija tal-panel tkun affettwata minħabba estensjonijiet jew emendi oħrajn inqas sinifikanti tal-iskambju ta' dejta.

L-iskema ta' rapportar għal BSI individwali għandha tkopri ammonti pendenti (stokks) ta' tmiem ix-xahar u ta' tmiem it-trimestru u, għal indikaturi magħżula, serje addizzjonali li jkopru informazzjoni dwar waqfiet f'ammonti pendenti li ma jirriżultawx minn tranżazzjonijiet (iktar 'il quddiem imsejħa “serje anċillari”). Fil-każ ta' selfiet, informazzjoni addizzjonali dwar il-flussi netti ta' selfiet titolizzati jew ittrasferiti mod ieħor għandhom jiġu rrapportati. F'dak li jirrigwarda statistiċi ta' MIR individwali, it-trasmissjoni għandha tkopri rati ta' imgħax ta' kull xahar dwar ammonti pendenti u negozju ġdid bil-volumi ta' negozju ġdid korrispondenti. Ir-rekwiżiti huma relatati ma' depożiti ddenominati f'euro u selfiet fil-konfront ta' unitajiet domestiċi u korporazzjonijiet mhux finanzjarji residenti fiż-żona tal-euro. Għal aktar dettalji dwar ir-rekwiżiti ta' rapportar, ara l-Parti 15a tal-Anness II.

Għar-rapportar ta' dejta relatata ma' gruppi ta' istituzzjonijiet ta' kreditu, għandhom japplikaw id-dispożizzjonijiet li ġejjin:

L-elementi kollha huma mandatorji, għalkemm dispożizzjonijiet speċjali japplikaw għar-rapportar ta' serje anċillari, kif deskritt fil-Parti 15a tal-Anness II.

Il-BĊNi għandhom jirrapportaw din l-informazzjoni statistika skont il-kalendarju annwali stabbilit mill-BĊE u kkomunikat lill-BĊNi sat-tmiem ta' Settembru ta' kull sena.

Meta jissottomettu reviżjonijiet fil-kuntest ta' statistiċi dwar BSI u MIR individwali, il-BĊNi għandhom jadottaw l-istess approċċ li jsegwu għall-finijiet tat-trasmissjoni ta' dejta aggregata, kif stipulat fl-Artikoli 3(3) u 17(5) ta' din il-Linja Gwida.

Qabel ma jibagħtu dejta lill-BĊE, il-BĊNi għandhom jivverifikaw il-konsistenza interna tad-dejta skont il-kontrolli ddefiniti u miżmuma mill-BĊE.

Il-BĊNi għandhom jirrapportaw kull informazzjoni li tkun meħtieġa biex tiffaċilita l-validazzjoni tad-dejta rrapportata u sabiex tiġi appoġġata l-analiżi tagħha. B'mod partikolari, il-BĊNi għandhom jipprovdu informazzjoni dwar:

Il-BĊNi għandhom jirrapportaw l-informazzjoni preferibbilment fil-ħin tat-trasmissjoni tad-dejta u fi kwalunkwe każ qabel l-għeluq tal-produzzjoni tad-dejta. Il-BĊE għandu jittratta l-informazzjoni pprovduta waqt li jagħti l-konsiderazzjoni dovuta lir-reġim ta' kunfidenzjalità applikabbli.”;

4.

L-Annessi II u III huma emendati skont l-Annessi ta' din il-Linja Gwida.