8.5.2007   

MT

Il-Ġurnal Uffiċjali ta’ l-Unjoni Ewropea

826

(1)

Id-Deċiżjoni BĊE/2001/16 tas-6 ta' Diċembru 2001, dwar l-allokazzjoni tad-dħul monetarju tal-banek ċentrali nazzjonali ta' l-Istati Membri parteċipanti mis-sena finanzjarja 2002 (1) tistabbilixxi reġim għall-allokazzjoni tad-dħul monetarju tal-banek ċentrali nazzjonali ta' l-Istati Membri li jkunu adottaw il-euro. Skond l-Artikolu 32.5 ta' l-Istatut, is-somma tad-dħul monetarju tal-BĊNi hija allokata lill-BĊNi fi proporzjon ma' l-ishma imħallsa tagħhom fil-kapital tal-BĊE. Sabiex ikun hemm adattament gradwali tal-karti tal-bilanċ u tal-kontijiet tal-qligħ u t-telf tal-BĊNi, l-allokazzjoni tad-dħul monetarju għas-snin finanzjarji 2002 sa 2007 ġiet aġġustata biex tikkunsidra d-differenzi bejn il-valur medju tal-karti tal-flus fiċ-ċirkulazzjoni ta' kull BĊN matul il-perijodu mill-1 ta' Lulju 1999, sat-30 ta' Ġunju 2001, u l-valur medju tal-karti tal-flus li jkunu ġew allokati lilhom matul dak il-perijodu skond l-iskema kapitali tal-BĊE. Dawn l-aġġustamenti jinkludu passiv nett intra-Ewrosistema dwar il-karti tal-flus euro fiċ-ċirkulazzjoni li jitniżżlu fil-bażi tal-passiv għall-iskopijiet tal-kalkulazzjoni tad-dħul monetarju tal-BĊNi skond l-Artikolu 32.2 ta' l-Istatut, billi huma ekwivalenti għal karti tal-flus fiċ-ċirkulazzjoni.

(2)

It-tkabbir futur ta' l-Ewrosistema joħloq il-ħtieġa biex ir-reġim eżistenti jiġi adattat għall-allokazzjoni tad-dħul monetarju. Għal raġunijiet ta' ekwita', konsistenza u trattament ugwali, il-BĊNi ġodda ta' l-Ewrosistema għandhom ikunu ttrattati bl-istess mod finanzjarju bħall-BĊNi ta' l-Ewrosistema eżistenti. Dan ifisser li għandha tiġi applikata proċedura ta' aġġustament kull darba li xi Stat Membru jadotta l-euro, u li għandha ssegwi l-istess prinċipji bħall-proċedura ta' aġġustament għas-snin finanzjarji 2002 sa 2007. Bħala konsegwenza, il-perijodi ta' aġġustament jistgħu jikkoinċidu.

(3)

Ir-Regolament tal-Kunsill (KE) Nru 974/98 tat-3 ta' Mejju 1998, dwar l-introduzzjoni tal-euro (2) jagħti lill-Istati Membri parteċipanti ġodda ftit flessibbilta' fir-rigward tas-sostituzzjoni tal-euro għall-valuti tagħhom u l-introduzzjoni tal-karti tal-flus u muniti euro. Sabiex il-proċedura ta' aġġustament tilħaq soluzzjonijiet finanzjarji xierqa għandhom jiġu kkunsidrati x-xenarji individwali tal-bidla għall-euro,

1.

L-Artikolu 1 huwa emendat kif ġej:

Id-definizzjonijiet li ġejjin jiddaħħlu wara d-definizzjoni ta' “rata ta' referenza”:

2.

L-Artikolu 2 huwa emendat kif ġej:

Il-paragrafu 1 huwa sostitwit b'li ġej:

“Il-bilanċi intra-Ewrosistema dwar il-karti tal-flus euro fiċ-ċirkulazzjoni għandhom ikunu kkalkulati kull xahar u għandhom ikunu rreġistrati fil-kotba tal-BĊE u tal-BĊNi fl-ewwel jum ta' negozju tax-xahar b'data ta' valur li ġġib l-aħħar jum ta' negozju tax-xahar ta' qabel.

Meta xi Stat Membru jadotta l-euro, il-kalkulazzjoni tal-bilanċi intra-Ewrosistema dwar il-karti tal-flus euro fiċ-ċirkulazzjoni skond l-ewwel subparagrafu għandu jkun irreġistrat fil-kotba tal-BĊE u l-BĊNi b'data ta' valur li ġġib id-data tal-bidla tal-flus kontanti.”

3.

L-Artikolu 4 huwa sostitwit b'li ġej:

“Artikolu 4

Aġġustamenti għall-bilanċi intra-Ewrosistema

1.   Għall-iskopijiet tal-kalkulazzjoni tad-dħul monetarju, kull bilanċ intra-Ewrosistema tal-BĊN dwar il-karti tal-flus euro fiċ-ċirkulazzjoni għandu jkun aġġustat b'ammont kumpensatorju ddeterminat skond il-formula li ġejja:

Ċ = (K – A) x S

fejn:

2.   Is-somma ta' l-ammonti kumpensatorji tal-BĊNi għandha tkun zero.

3.   L-ammonti kumpensatorji għandhom ikunu kkalkulati kull darba li xi Stat Membru jadotta l-euro jew meta l-iskema tal-kapital sottoskritt tal-BĊE tinbidel.

4.   L-ammont kumpensatorju ta' xi BĊN ġdid ta' l-Ewrosistema għandu jkun allokat lill-BĊNi ta' l-Ewrosistema eżistenti meta dak l-Istat Membru jissieħeb, fi proporzjon ma' l-ishma rispettivi tal-BĊNi eżistenti ta' l-Ewrosistema fl-iskema tal-kapital sottoskritt, bis-sinjal (+/) imreġġa' lura, u għandu jkun addizzjonali għal kwalunkwe ammont kumpensatorju diġa' fis-seħħ għall-BĊNi ta' l-Ewrosistema eżistenti.

5.   L-ammonti kumpensatorji u l-entrati tal-kontabilita' biex jibbilanċjaw dawk l-ammonti kumpensatorji għandhom jiġu rreġistrati f'kontijiet intra-Ewrosistema separati fil-kotba ta' kull BĊN b'data ta' valur li ġġib id-data tal-bidla tal-flus kontanti u l-istess data ta' valur ta' kull sena sussegwenti tal-perijodu ta' aġġustament. L-entrati tal-kontabilita' li jibbilanċjaw l-ammonti kumpensatorji m'għandhomx ikunu rremunerati.

6.   Jekk il-valur tal-karti tal-flus euro li l-Banque centrale du Luxembourg ipoġġi fiċ-ċirkulazzjoni fl-2002 jaqbeż il-valur medju tal-karti tal-flus tiegħu fiċ-ċirkulazzjoni matul il-perijodu mill-1 ta' Lulju 1999, sat-30 ta' Ġunju 2001, b'25 % jew aktar, allura għall-ittra ‘A’ tal-Banque centrale du Luxembourg fil-formula stabbilita fil-paragrafu 1 għandu jkun hemm il-valur tal-karti tal-flus imqiegħda fiċ-ċirkulazzjoni mill-Banque centrale du Luxembourg fl-2002 sa limitu massimu ta' EUR 2,2 billion. Ma' l-applikazzjoni ta' din id-deroga, l-ammonti kumpensatorji kollha kkalkulati skond l-Artikolu 4(1) għandhom ikunu suġġetti għal aġġustamenti retroattivi fi tmiem is-sena 2002, sabiex tiġi żgurata l-konformita' mal-paragrafu 2. Dawn l-aġġustamenti retroattivi għandhom ikunu f'proporzjon ma' l-iskema tal-kapital sottoskritt.

7.   B'deroga mill-paragrafu 1, meta jinħolqu eventwalitajiet speċifiċi li għandhom x'jaqsmu ma' tibdiliet fix-xejriet taċ-ċirkulazzjoni tal-karti tal-flus, kif stabbilit fl-Anness III ma' din id-Deċiżjoni, il-bilanċi intra-Ewrosistema ta' kull BĊN dwar il-karti tal-flus euro fiċ-ċirkulazzjoni għandhom ikunu aġġustati skond id-dispożizzjonijiet stabbiliti f'dan l-Anness.

8.   L-aġġustamenti għal bilanċi intra-Ewrosistema stabbiliti f'dan l-Artikolu m'għandhomx jibqgħu japplikaw mill-ewwel jum tas-sitt sena wara s-sena rilevanti tal-bidla tal-flus kontanti.”

4.

L-Anness I huwa emendat skond l-Anness I ma' din id-Deċiżjoni.

5.

L-Anness III huwa sostitwit bl-Anness II ma' din id-Deċiżjoni.