“Appendiċi VI

SKEDA TA' DRITTIJIET U L-ĦRUĠ TA' FATTURI

Drittijiet għal parteċipanti diretti

1.

Id-dritt ta' kull xahar għall-ipproċessar ta' ordnijiet ta' ħlas f'TARGET2-[daħħal ir-referenza BĊ/pajjiż] għal parteċipanti diretti, skont l-opzjoni li jkun għażel il-parteċipant dirett, għandu jkun jew: (a) EUR 150 għal kull kont PM flimkien ma' dritt fiss għal kull tranżazzjoni (reġistrata bħala dejn) ta' EUR 0,80; jew (b) EUR 1 875 għal kull kont PM flimkien ma' dritt għal kull tranżazzjoni (reġistrata bħala dejn) iddeterminat kif ġej, skont il-volum ta' tranżazzjonijiet (numri ta' partiti pproċessati) fix-xahar: Faxxa Minn Għal Prezz 1 1 10 000 EUR 0,60 2 10 001 25 000 EUR 0,50 3 25 001 50 000 EUR 0,40 4 50 001 100 000 EUR 0,20 5 'il fuq minn 100 000 — EUR 0,125 Trasferimenti ta' likwidità bejn il-kont PM ta' parteċipant u s-subkontijiet tiegħu m'għandhomx ikunu suġġetti għal imposta. Ordnijiet ta' trasferiment ta' likwidità PM lil DCA mibgħuta minn kont PM ta' parteċipant u ordnijiet ta' trasferiment ta' likwidità DCA lil PM irċevuti f'kont PM ta' parteċipant għandhom iħallsu skont l-opzjoni ta' prezzijiet (a) jew (b) iktar 'il fuq magħżula għal dak il-kont PM.

2.

Id-dritt ta' kull xahar għall-aċċess għal aktar minn indirizzat wieħed huwa ta' EUR 80 għal kull indirizz BIC ta' 8 ċifri li mhuwiex il-BIC tal-kont tal-parteċipant dirett.

3.

Għandu jkun hemm dritt addizzjonali ta' kull xahar ta' EUR 30 għal kull kont għal parteċipanti diretti li ma jixtiqux li l-BIC tal-kont tagħhom jiġi ppubblikat fid-direttorju TARGET2.

4.

Id-dritt ta' kull xahar għal kull reġistrazzjoni minn parteċipant dirett ta' parteċipant indirett fid-direttorju ta' TARGET2 għandu jkun ta' EUR 20.

5.

Id-dritt ta' darba pagabbli għal kull reġistrazzjoni ta' detentur ta' BIC indirizzabbli fid-direttorju ta' TARGET2, għal friegħi ta' parteċipanti diretti jew indiretti, friegħi ta' korrispondenti jew detenturi ta' BIC indirizzabbli li huma membri tal-istess grupp, kif definit fl-Artikolu 1, huwa ta' EUR 5.

6.

Id-dritt ta' kull xahar għal kull reġistrazzjoni fid-direttorju ta' TARGET2 ta' detentur ta' BIC indirizzabbli għal korrispondent huwa ta' EUR 5.

7.

Id-dritt ta' kull xahar għal parteċipanti diretti li jissottoskrivu għas-servizzi b'valur miżjud ta' TARGET2 għandu jkun ta' EUR 50 għal dawk il-parteċipanti li għażlu l-opzjoni (a) fil-paragrafu 1 iktar 'il fuq, u EUR 625 għal dawk il-parteċipanti li għażlu l-opzjoni (b) fil-paragrafu 1 iktar 'il fuq.

Drittijiet għall-aggregazzjoni ta' likwidità

8.

Għall-modalità CAI, id-dritt ta' kull xahar huwa ta' EUR 100 għal kull kont inkluż fil-grupp.

9.

Għall-modalità AL, id-dritt ta' kull xahar huwa ta' EUR 200 għal kull kont inkluż fil-grupp AL. Jekk il-grupp AL juża l-modalità CAI, kontijiet mhux inklużi fil-modalità AL għandhom iħallsu d-dritt ta' kull xahar tas-CAI ta' EUR 100 għal kull kont.

10.

Għall-modalità AL kif ukoll għall-modalità CAI, l-istruttura digressiva tad-dritt tat-tranżazzjoni stabbilita fit-tabella fil-paragrafu 1(b) għandha tapplika għall-ħlasijiet kollha li jsiru mill-parteċipanti fil-grupp, daqslikieku dawn il-ħlasijiet intbagħtu mill-kont ta' parteċipant wieħed.

11.

Id-dritt ta' kull xahar ta' EUR 1 875 imsemmi fil-paragrafu 1(b) jitħallas mill-maniġer tal-grupp relevanti, u d-dritt ta' kull xahar ta' EUR 150 imsemmi fil-paragrafu 1(a) għandu jitħallas mill-membri l-oħra kollha tal-grupp. Jekk grupp AL huwa parti minn grupp CAI, u l-maniġer tal-grupp AL huwa l-istess maniġer tal-grupp CAI, id-dritt ta' kull xahar ta' EUR 1 875 għandu jitħallas darba biss. Jekk il-grupp AL huwa parti minn grupp CAI u l-maniġer tal-grupp CAI huwa differenti mill-maniġer tal-grupp AL, il-maniġer tal-grupp CAI għandu jħallas dritt addizzjonali ta' EUR 1 875 ta' kull xahar. F'dawn il-każijiet il-fattura għat-total tad-drittijiet għall-kontijiet kollha fil-grupp CAI (inkluż il-kontijiet tal-grupp AL) għandha tintbagħat lill-maniġer tal-grupp CAI.

Drittijiet għal detenturi ta' kont PM Ewlieni

12.

Flimkien mad-drittijiet imsemmijin iktar 'il fuq f'dan l-Appendiċi, għandu jitħallas minn detenturi ta' kont PM Ewlieni dritt kull xahar ta' EUR 250 għal kull DCA konness.

13.

Id-detenturi ta' kont PM Ewlieni għandhom iħallsu d-drittijiet li ġejjin għal servizzi T2S konnessi ma' DCA(s) konness(i). Għandu jintalab ħlas separat għal dawn il-partiti. Partiti tat-tariffa Prezz Spjegazzjoni Servizzi ta' ħlas Ordnijiet ta' trasferiment ta' likwidità DCA lil DCA 9 euroċenteżmi kull trasferiment Moviment intrabilanċ (jiġifieri imblokkar, żblukkar, riżerva ta' likwidità eċċ.) 6 euroċenteżmi kull tranżazzjoni Servizzi ta' informazzjoni Rapporti A2 A 0,4 euroċenteżmi Għal kull partita ta' negozju f'kull rapport A2 A ġġenerat Mistoqsijiet A2 A 0,7 euroċenteżmi Għal kull mistoqsija fuq partita ta' negozju f'kull mistoqsija ġġenerata A2 A Mistoqsijiet U2 A 10 euroċenteżmi Għal kull funzjoni ta' tiftix li ssir Messaġġi miġbura f'fajl 0,4 euroċenteżmi Għal kull messaġġ f'fajl Trażmissjonijiet 1,2 euroċenteżmi Kull trażmissjoni

Ħruġ ta' fatturi

14.

Fil-każ ta' parteċipanti diretti, japplikaw ir-regoli li ġejjin għall-ħruġ ta' fatturi. Il-parteċipant dirett (il-maniġer tal-grupp AL jew tal-grupp CAI f'każ illi jintużaw l-modalitajiet AL jew CAI) għandu jirċievi l-fatturi rilevanti għax-xahar preċedenti li jispeċifikaw id-drittijiet li għandhom jitħallsu, mhux aktar tard mill-ħames jum ta' negozju tax-xahar ta' wara. Il-ħlas għandu jsir sa mhux aktar tard mill-għaxar jum ta' negozju ta' dak ix-xahar lill-kont speċifikat mill-[daħħal isem il-BĊ] u jiġi ddebitat mill-kont PM ta' dak il-parteċipant.”;

ANNESS IIa

KUNDIZZJONIJIET ARMONIZZATI GĦALL-FTUĦ U L-OPERAZZJONI TA' KONT TA' KONTANTI DEDIKAT F'TARGET2

TITOLU I

DISPOŻIZZJONIJIET ĠENERALI

Artikolu 1

Definizzjonijiet

Għall-finijiet ta' dawn il-Kundizzjonijiet Armonizzati (iktar 'il quddiem imsejħin il-‘Kundizzjonijiet’) japplikaw id-definizzjonijiet li ġejjin:

—

‘Awtokollateralizzazzjoni’ tfisser kreditu intraday mogħti minn bank ċentrali nazzjonali (BĊN) taż-żona tal-euro fi flus tal-bank ċentrali attivat meta detentur ta' DCA jkollu fondi insuffiċjenti biex iħallas tranżazzjonijiet ta' titoli, fejn dan il-kreditu intraday jiġi kkollateralizzat jew bix-xiri ta' titoli (kollateral on flow), jew b'titoli miżmumin mid-detentur ta' DCA favur BĊN taż-żona tal-euro (kollateral on stock);

—	‘Kont ta' Kontanti Dedikat (DCA)’ ifisser kont miżmum minn detentur ta' DCA, miftuħ f'TARGET2-[daħħal ir-referenza BĊ/pajjiż], u użat għal ħlasijiet f'kontanti fir-rigward ta' ħlas ta' titoli f'T2S,

—	‘ordni ta' trasferiment ta' likwidità immedjata’ tfisser struzzjoni biex issir ordni ta' trasferiment ta' likwidità DCA lil PM, issir ordni ta' trasferiment ta' likwidità PM lil DCA jew issir ordni ta' trasferiment ta' likwidità DCA lil DCA dak il-ħin stess meta tiġi rċevuta dik l-istruzzjoni,

—	‘ordni ta' trasferiment ta' likwidità predefinita’ tfisser struzzjoni għal trasferiment ta' ammont speċifikat ta' fondi minn DCA lil kont PM li tiġi eżegwita darba biss f'ħin jew każ definit,

—

‘aġġustament ta' likwidità’ tfisser l-awtorizzazzjoni mogħtija mid-detentur ta' DCA, lis-CSD parteċipant tagħha jew [daħħal isem il-BĊ] b'arranġament kuntrattwali speċjali ddokumentat debitament u rreġistrat fid-Dejta Statika biex jibdew trasferimenti ta' likwidità bejn DCA u Kont PM, jew bejn żewġ DCAs,

—	‘ordni ta' trasferiment ta' likwidità DCA lil PM’ tfisser l-istruzzjoni għat-trasferiment ta' ammont speċifiku ta' fondi minn DCA lil kont PM,

—	‘ordni ta' trasferiment ta' likwidità PM lil DCA’ tfisser l-istruzzjoni għat-trasferiment ta' ammont speċifiku ta' fondi minn kont PM lil DCA',

—	‘ordni ta' trasferiment ta' likwidità DCA lil DCA’ tfisser l-istruzzjoni għat-trasferiment ta' ammont speċifiku ta' fondi minn (i) DCA lil DCA marbut mal-istess kont Ewlieni PM jew (ii) minn DCA lil DCA miżmum mill-istess entità ġuridika;

—	‘Kont Ewlieni PM’ tfisser il-Kont PM li miegħu huwa marbut DCA u li fuqu kull bilanċ li jibqa' jiġi awtomatikament ripatrijat fl-aħħar tal-jum,

—

‘ordni ta' trasferiment ta' likwidità permanenti’ tfisser struzzjoni għat-trasferiment ta' ammont speċifiku ta' kontanti jew ‘kontanti kollha’ disponibbli f'T2S DCA minn DCA lil kont PM li jiġi eżegwit ripetutament fi żmien jew każ definit fiċ-ċiklu ta' proċessar T2S sakemm l-ordni titħassar jew jiskadi l-perijodu ta' validità,

—	‘Dejta Statika’ tfisser is-sett ta' oġġetti ta' negozju, speċifiċi għal detentur ta' DCA jew bank ċentrali, f'T2S u proprjetà rispettiva ta' dak id-detentur ta' DCA jew bank ċentrali, li T2S jeħtieġ biex tiġi pproċessata d-dejta tranżazzjonali relatata ma' dak id-detentur ta' DCA jew bank ċentrali,

—	‘kodiċi għall-Identifikazzjoni ta' Negozju (BIC)’ tfisser kodiċi kif definit mill-Istandard ISO Nru 9362,

—	‘Kodiċi tal-pajjiż ISO’ tfisser kodiċi kif iddefinit bl-Istandard ISO Nru 3166-1,

—	‘jum ta' negozju’ tfisser kwalunkwe jum li fih TARGET2 huwa miftuħ għall-ħlas ta' ordnijiet ta' ħlas, kif stipulat fl-Appendiċi V,

—	‘opinjoni dwar il-kapaċità’ tfisser opinjoni speċifika għal parteċipant li fiha valutazzjoni tal-kapaċità legali tal-parteċipant li jikkonkludi jew jeżegwixxi l-obbligi tiegħu skont dawn il-Kundizzjonijiet,

—	‘banek centrali (BĊi)’ tfisser il-BĊ tal-Eurosistema u l-BĊi konnessi;

—	‘BĊN konness’ tfisser BĊN, li mhuwiex BĊN taż-żona tal-euro, li huwa konness ma' TARGET2 skont ftehim speċifiku,

—

‘istituzzjoni ta' kreditu’ tfisser jew: (a) istituzzjoni ta' kreditu fit-tifsira tal-punt (1) tal-Artikolu 4(1) tar-Regolament (UE) Nru 575/2013 [u, jekk ikun rilevanti, daħħal id-dispożizzjonijiet tal-liġi nazzjonali li jimplimenta l-Artikolu 2(5) tad-Direttiva 2013/36/UE] li hija suġġetta għas-superviżjoni minn awtorità kompetenti; jew (b) istituzzjoni ta' kreditu oħra fit-tifsira tal-Artikolu 123(2) tat-Trattat li hija suġġetta għall-iskrutinju ta' standard paragunabbli għas-superviżjoni minn awtorità kompetenti,

—	‘BĊN taż-żona tal-euro’ tfisser il-BĊN ta' Stat Membru li l-munita tiegħu hija l-euro,

—	‘BĊ tal-Eurosistema’ tfisser il-Bank Ċentrali Ewropew (BĊE) jew BĊN parteċipanti taż-żona tal-euro,

—

‘każ ta' inadempjenza’ jfisser każ imminenti jew eżistenti, li meta jiġri jista' jhedded it-twettiq minn parteċipant tal-obbligi tiegħu skont dawn il-Kundizzjonijiet jew kwalunkwe regoli oħrajn li japplikaw għar-relazzjoni bejn dak il-parteċipant u l-[daħħal isem il-BĊ] jew kull BĊ ieħor, inkluż: (a) meta l-parteċipant m'għadux jissodisfa l-kriterji tal-aċċess stabbiliti fl-Artikolu 5 jew ir-rekwiżiti stabbilti fl-Artikolu 6(1)(a)(i); (b) il-ftuħ ta' proceduri ta' falliment b'rabta mal-partiċipant; (c) is-sottomissjoni ta' applikazzjoni marbuta mal-proċeduri msemmijin fil-punt (b), (d) il-ħruġ mill-parteċipant ta' dikjarazzjoni bil-miktub dwar l-inabbiltà tiegħu li jħallas id-djun kollha tiegħu jew xi parti minnhom jew li jissodisfa l-obbligi tiegħu li jirriżultaw b'rabta ma' kreditu intraday; (e) id-dħul tal-parteċipant fi ftehim jew arranġament ġenerali volontarju mal-kredituri tiegħu; (f) fejn il-parteċipant huwa, jew jitiqies mill-BĊ tiegħu li hu, insolventi jew ma jistax iħallas id-djun tiegħu; (g) fejn il-bilanċ ta' kreditu tal-parteċipant fuq il-kont PM tiegħu jew DCA jew l-assi kollha tal-parteċipant jew parti sostanzjali minnhom huma suġġetti għal ordni ta' ffriżar, sekwestru, qbid jew kull proċedura oħra intiża biex tipproteġi l-interess pubbliku jew id-drittijiet tal-kredituri tal-parteċipant; (h) fejn il-parteċipazzjoni tal-parteċipant f'sistema ta' komponent ta' TARGET2 oħra u/jew f'sistema anċillari ġiet sospiża jew itterminata; (i) fejn rappreżentazzjoni materjali jew dikjarazzjoni prekontrattwali magħmula mill-parteċipant jew li huwa intiż li saret mill-parteċipant skont il-liġi applikabbli hija skorretta jew mhux vera jew; (j) iċ-ċessjoni tal-assi kollha tal-entità jew parti sostanzjali minnhom,

—	‘proċeduri ta' insolvenza’ tfisser proċeduri ta' insolvenza fit-tifsira tal-Artikolu 2(j) tad-Direttiva 98/26/KE tal-Parlament Ewropew u tal-Kunsill (*),

—	‘fornitur tas-servizz ta' netwerk TARGET2’ ifisser il-fornitur ta' konnessjonijiet tan-netwerk kompjuterizzati appuntat mill-Kunsill Governattiv tal-BĊE għall-finijiet tas-sottomissjoni tal-messaġġi ta' ħlas f'TARGET2.

—	‘fornitur tas-servizz tan-netwerk T2S’ ifisser impriża li kkonkludiet ftehim ta' liċenzja mal-Eurosistema biex jipprovdi servizzi ta' konnettività fil-kuntest ta' T2S,

—	‘min jitħallas’, ħlief fejn użat fl-Artikolu 28 ta' dawn il-Kundizzjonijiet, ifisser parteċipant f'TARGET2 li d-DCA tiegħu jiġi kkreditat minħabba l-ħlas ta' ordni ta' ħlas,

—	‘min iħallas’, ħlief fejn użat fl-Artikolu 28 ta' dawn il-Kundizzjonijiet, ifisser parteċipant f'TARGET2 li d-DCA tiegħu jiġi ddebitat minħabba l-ħlas ta' ordni ta' ħlas,

—	‘ordni ta' ħlas’ tfisser ordni ta' trasferiment ta' likwidità DCA lil PM, ordni ta' trasferiment ta' likwidità PM lil DCA jew ordni ta' trasferiment ta' likwidità DCA lil DCA,

—	‘Modulu tal-Ħlasijiet (PM)’ tfisser modulu ta' SSP li fih isir ħlas ta' ħlasijiet tal-parteċipanti f'TARGET2 f'kontijiet PM,

—	‘kont PM’ tfisser kont miżmum minn parteċipant f'TARGET2 fil-PM ma' BĊ tal-Eurosistema li huwa neċessarju sabiex dan il-parteċipant f'TARGET2: (a) jissottometti ordnijiet ta' ħlas jew jirċievi ħlasijiet permezz ta' TARGET2, u (b) jagħmel dawn il-ħlasijiet lil dan il-BĊ tal-Eurosistema,

—	‘Pjattaforma Komuni Unika (SSP)’ tfisser l-infrastruttura tal-pjattaforma teknika unika pprovduta mil-BĊNi li jipprovdu l-SSP;

—

‘TARGET2-Securities (T2S)’ jew ‘Pjattaforma T2S’ ifissru is-sett ta' ħardwer, softwer u komponenti ta' infrastruttura teknika li permezz tagħhom l-Eurosistema tipprovdi s-servizzi lil CSDs u BĊi tal-Eurosistema li jippermettu l-ħlas ewlieni, newtrali u mingħajr konfini ta' tranżazzjonijiet ta' titoli fuq bażi ta' konsenja mal-ħlas fi flus tal-bank ċentrali,

—	‘BĊNi li jipprovdu SSP’ tfisser id-Deutsche Bundesbank, il-Banque de France u l-Banca d'Italia fil-kapaċità tagħhom bħala l-BĊi li jibnu u jħaddmu l-SSP għall-benefiċċju tal-Eurosistema,

—	‘4CBs’ tfisser id-Deutsche Bundesbank, il-Banque de France u l-Banca d'Italia u l-Banco de España fil-kapaċità tagħhom ta' BĊi li jibnu u jħaddmu l-Pjattaforma T2S għall-benefiċċju tal-Eurosistema,

—	‘formula għall-ġbir tad-dejta statika’ tfisser formula żviluppata minn [daħħal isem il-BĊ] għall-finijiet tar-reġistrazzjoni tal-applikanti għal servizzi ta' TARGET2-[daħħal ir-referenza BĊ/pajjiż] u jiġi rreġistrat kwalunkwe tibdil għall-provvista ta' dawn is-servizzi,

—	‘sospensjoni’ tfisser l-iffriżar temporanju tad-drittijiet u l-obbligi ta' parteċipant għal perijodu ta' żmien li jiġi ddeterminat minn [daħħal isem il-BĊ],

—	‘T2S GUI’ tfisser modulu fuq il-Pjattaforma T2S Platform li tippermetti detenturi ta' DCA li jiksbu informazzjoni onlajn u jagħtihom il-possibbiltà li jissottomettu ordnjijiet ta' ħlas,

—	‘TARGET2-[daħħal ir-referenza BĊ/pajjiż]’ tfisser is-sistemi komponenti TARGET2 [daħħal isem il-BĊ],

—	‘TARGET2’ tfisser dak kollu li jirriżulta mis-sistemi komponenti kollha ta' TARGET2 tal-BĊi,

—	‘sistema komponenti ta' TARGET2’ tfisser kwalunkwe sistema real-time gross settlement (RTGS) ta' kwalunkwe BĊ li tifforma parti minn TARGET2;

—	‘parteċipant f'TARGET2’ tfisser kull parteċipant fi kwalunkwe sistema ta' komponent TARGET2,

—	‘parteċipant’ jew ‘parteċipant dirett’ tfisser entità li jkollha mill-inqas kont PM wieħed (detentur ta' kont PM) u/jew Kont ta' Kontanti Dedikat wieħed (detentur ta' DCA) ma' BĊ tal-Eurosistema,

—

‘ħsara teknika ta' TARGET2’ tfisser kull diffikultà, difett jew nuqqas fl-infrastruttura teknika u/jew is-sistemi tal-kompjuter użati minn TARGET2-[daħħal il-BĊ/pajjiż ta' referenza] inklużi l-Pjattaforma SSP jew T2S, jew kull każ li jagħmilha impossibbli li jiġi eżegwit u kkompletat l-ipproċessar tal-ħlasijiet fl-istess jum fis-sistema komponenti relevanti ta' TARGET2-[daħħal il-BĊ/pajjiż ta' referenza];

—	‘likwidità disponibbli’ tfisser il-bilanċ ta' kreditu fuq id-DCA mnaqqas bl-ammont ta' kull riżerva pproċessata ta' likwidità jew imblokkar ta' fondi,

—	‘Depożitorju ta' Titoli Ċentrali parteċipant’ jew ‘CSD parteċipant’ tfisser CSD li ffirma l-Ftehim ta' Qafas T2S,

—	‘A2A’ jew ‘Applikazzjoni għal applikazzjoni’ tfisser modalità ta' konnettività li tippermetti lid-detentur ta' DCA li jiskambja informazzjoni mal-applikazzjoni tas-softwer tal-Pjattaforma T2S,

—	‘U2A’ jew ‘Applikazzjoni għal utent’ tfisser modalità ta' konnettività li tippermetti lid-detentur ta' DCA li jiskambja informazzjoni mal-applikazzjoni tas-softwer tal-Pjattaforma T2S permezz ta' interfaċċa grafika għall-utent.

—	‘Isem Distint T2S’ jew ‘T2S DN’ ifisser l-indirizz tan-netwerk għall-pjattaforma T2S li għandha tiġi inkluża fil-messaġġi kollha intiżi għas-sistema.

—	‘fergħa’ tfisser fergħa fit-tifsira tal-punt (1) tal-Artikolu 4(1) tar-Regolament (UE) Nru 575/2013,

—	‘ordni ta' ħlas mhux imħallsa’ tfisser ordni ta' ħlas li mhix imħallsa fl-istess jum ta' negozju bħal dak li fih tkun ġiet aċċettata;

—	‘ħlas gross dak il-ħin stess’ ifisser l-ipproċessar u l-ħlas ta' ordnijiet ta' ħlas fuq il-bażi ta' tranżazzjoni b'tranżazzjoni dak il-ħin stess.

Artikolu 2

Ambitu

Il-Kundizzjonijiet preżenti jirregolaw r-relazzjoni bejn il-BĊN taż-żona tal-euro rilevanti u d-detentur tad-DCA tiegħu għal dak li jirrigwarda l-Ftuħ u l-Operazzjoni tad-DCA kkonċernat.

Artikolu 3

Appendiċijiet

1.   L-Appendiċijiet jifformaw parti integrali minn dawn il-Kundizzjonijiet.

Appendiċi I	:	Parametri tal-kontijiet ta' kontanti dedikati — Speċifikazzjonijiet tekniċi;
Appendiċi II	:	Skema ta' kumpens TARGET2 fir-rigward tal-Ftuħ u l-Operazzjoni tad-DCA;
Appendiċi III	:	Termini ta' referenza għall-kapaċità u opinjonijiet tal-pajjiż;
Appendiċi IV	:	Proċeduri ta' kontinwità tas-servizz u ta' kontinġenza;
Appendiċi V	:	Skeda ta' operazzjoni;
Appendiċi VI	:	Skeda tad-drittijiet.

2.   Fil-każ ta' kwalunkwe kunflitt jew inkonsistenza bejn il-kontenut ta' kwalunkwe appendiċi u l-kontenut ta' kull dispożizzjoni oħra f'dawn il-Kundizzjonijiet, dawn tal-aħħar għandhom jipprevalu.

Artikolu 4

Deskrizzjoni ġenerali tat-T2S u TARGET2

1.   TARGET2 tipprovdi ħlas gross dak il-ħin stess għal ħlasijiet f'euro, bi ħlas bi flus tal-bank centrali fil-kontijiet PM u DCAs. Bis-saħħa tal-Linja Gwida BĊE/2012/27,TARGET2 tipprovdi wkoll servizzi ta' ħlas gross dak il-ħin stess fir-rigward ta' tranżazzjonijiet T2S għal detenturi ta' DCA li jkunu żguraw konnessjoni mal-kont ta' titoli f'CSD parteċipant. Dawn is-servizzi huma pprovduti fuq il-Pjattaforma T2S, u jippermettu l-iskambju ta' messaġġi standardizzati fir-rigward ta' transferimenti minn u lejn DCAs miftuħin fil-kotba tal-BĊN rilevanti taż-żona tal-euro f'TARGET2.

2.   It-tranżazzjonijiet li ġejjin jiġu pproċessati f'TARGET2- [daħħal ir-referenza BĊ/pajjiż]:

(a)	ordnijiet ta' ħlas li jirriżultaw direttament minn jew li jsiru b'konnessjoni mal-operazzjonijiet tal-politika monetarja tal-Eurosistema;

(b)	ħlas tal-parti euro tal-operazzjonijiet tal-kambju fi flus barranin li jinvolvu lill-Eurosistema;

(c)	ħlas ta' trasferimenti ta' euro li jirriżultaw minn tranżazzjonijiet f'sistemi ta' netting ta' valur kbir transkonfinali

(d)	ħlas ta' trasferimenti ta' euro li jirriżultaw minn tranżazzjonijiet f'sistemi ta' ħlas bl-imnut f'euro ta' importanza sistemika;

(e)	ħlas tal-parti tal-kontanti ta' tranżazzjonijiet ta' titoli;

(f)	Ordnijiet ta' trasferiment ta' likwidità DCA lil DCA, ordnijiet ta' trasferiment ta' likwidità DCA lil PM u ordnijiet ta' trasferiment ta' likwidità PM lil DCA; u

(g)	kull ordni ta' ħlasijiet ieħor f'euro indirizzata lil parteċipanti ta' TARGET2.

3.   TARGET2 tipprovdi ħlas gross dak il-ħin stess għal ħlasijiet f'euro, bi ħlas bi flus tal-bank centrali fil-kontijiet PM u DCAs. TARGET2 hija stabbilita u tiffunzjona fuq il-bażi tal-SSP, li permezz tagħha l-ordnijiet kollha għall-ħlas jintbagħtu u jiġu pproċessati u li permezz tagħha l-ħlasijiet jiġu fl-aħħar mill-aħħar riċevuti bl-istess mod tekniku. Fir-rigward tal-operazzjoni teknika tal-Kontijiet ta' Kontanti Dedikati fuq T2S, TARGET2 hija teknikament stabbilita u tiffunzjona fuq il-bażi tal-Pjattaforma T2S. Il-[daħħal isem il-BĊ] huwa l-fornitur tas-servizzi taħt dawn il-Kundizzjonijiet. L-azzjonijiet u l-ommissjonijiet tal-BĊNi u tal-4CBs li jipprovdu l-SSP għandhom ikunu kkunsidrati bħala azzjonijiet u ommissjonijiet ta' [daħħal isem il-BĊ], li għalihom għandu jassumi r-responsabbiltà skont l-Artikolu 21 hawn taht. Il-parteċipazzjoni skont dawn il-Kundizzjonijiet m'għandhiex toħloq relazzjoni kuntrattwali bejn il-parteċipanti u l-BĊNi li jipprovdu l-SSP jew il-4CBs meta xi wieħed minn dawn tal-aħħar jaġixxi f'dik il-kapaċità. L-istruzzjonijiet, il-messaġġi jew l-informazzjoni li parteċipant jirċievi mingħand, jew jibgħat lil, l-SSP jew Pjattaforma T2S b'rabta mas-servizzi pprovduti taħt dawn il-Kundizzjonijiet huma meqjusin bħala li waslu mingħand, jew mibgħuta lil, [daħħal isem il-BĊ].

4.   TARGET2 hija strutturata legalment bħala multipliċità ta' sistemi ta' ħlas komposta mis-sistemi komponenti ta' TARGET2, li huma indikati bħala ‘sistemi’ skont liġijiet nazzjonali li jimplimentaw id-Direttiva 98/26/KE. TARGET2-[daħħal ir-referenza BĊ/pajjiż] hija indikata bħala ‘sistema’ skont [daħħal id-dispożizzjoni legali rilevanti li timplimenta d-Direttiva 98/26/KE].

5.   Il-parteċipazzjoni f'TARGET2 tidħol fis-seħħ permezz ta' parteċipazzjoni f'sistema ta' komponent ta' TARGET2. Dawn il-Kundizzjonijiet jiddeskrivu d-drittijiet u l-obbligi reċiproċi tad-detenturi tad-DCA f'TARGET2-[daħħal ir-referenza BĊ/pajjiż] u l-[daħħal isem il-BĊ]. Ir-regoli dwar l-ipproċessar tal-ordnijiet ta' ħlas skont dan il-Kundizzjonijiet (Titolu IV ta' dan l-Anness u l-Appendiċi I) jirreferu għall-ordnijiet ta' ħlas kollha sottomessi jew il-ħlasijiet irċevuti mingħand kwalunkwe parteċipant f'TARGET2.

TITOLU II

PARTECIPAZZJONI

Artikolu 5

Kriterji ta' Aċċess

1.   It-tipi ta' entitajiet li ġejjin huma eliġibbli biex isiru detentur ta' DCA wara talba f'TARGET2- [daħħal ir-referenza BĊ/pajjiż]:

(a)	istituzzjonijiet ta' kreditu stabbiliti fiż-ŻEE, inkluż meta jaġixxu permezz ta' fergħa stabbilita fiż-ŻEE;

(b)	istituzzjonijiet ta' kreditu stabbiliti barra ż-ŻEE, sakemm jaġixxu permezz ta' fergħa stabbilita fiż-ŻEE; u

(c)	BĊNi ta' Stati Membri tal-UE u l-BĊE;

sakemm l-entitajiet imsemmijin fil-punti (a) u (b) ma jkunux suġġetti għal miżuri restrittivi adottati mill-Kunsill tal-Unjoni Ewropea jew l-Istati Membri skont l-Artikolu 65(1)(b), l-Artikolu 75 jew l-Artikolu 215 tat-Trattat dwar il-Funzjonament tal-Unjoni Ewropea, li l-implimentazzjoni tagħhom, minħabba [referenza għall-BĊ/pajjiż] wara li ġie infurmat il-BĊE, mhijiex kompatibbli mal-funzjonament bla xkiel ta' TARGET2.

2.   Il-[daħħal isem il-BĊ] jista', fid-diskrezzjoni tiegħu, idaħħal ukoll l-entitajiet li ġejjin bħala detenturi tad-DCA:

(a)	id-dipartimenti tat-teżor tal-gvernijiet ċentrali jew reġjonali tal-Istati Membri attivi fis-swieq tal-flus;

(b)	korpi tas-settur pubbliku ta' Stati Membri awtorizzati li jżommu kontijiet għall-klijenti;

(c)	ditti ta' investiment stabbiliti fiż-ŻEE;

(d)	entitajiet li jimmaniġġjaw sistemi anċillari u li jaġixxu f'dik il-kapaċità; u

(e)

istituzzjonijiet ta' kreditu jew kull entità mit-tipi elenkati taħt il-punti (a) sa (d), fiż-żewġ każijiet fejn dawn huma stabbiliti f'pajjiż li miegħu l-Unjoni għandha ftehim monetarju li jippermetti l-aċċess minn kwalunkwe entità minn dawn għal sistemi ta' ħlas fl-Unjoni, bla ħsara għall-kundizzjonijiet stabbiliti fil-ftehim monetarju u sakemm is-sistema legali relevanti li tapplika fil-pajjiż hija ekwivalenti għal-leġiżlazzjoni relevanti tal-Unjoni.

3.   Istituzzjonijiet ta' flus elettroniċi, fit-tifsira ta' [daħħal id-dispożizzjonijiet tal-liġi nazzjonali li timplimenta l-Artikolu 2(1) tad-Direttiva 2009/110/KE tal-Parlament Ewropew u tal-Kunsill (**)], ma humiex intitolati li jipparteċipaw f'TARGET2-[daħħal ir-referenza tal-BĊ/pajjiż ta' referenza].

Artikolu 6

Proċedura ta' applikazzjoni

1.   Sabiex [daħħal isem ta' BĊ] jiftaħ DCA għal entità, dik l-entità għandha tikkonforma mal-kriterji ta' aċċess tad-dispożizzjonijiet ta' [daħħal isem ta' BĊ] li jimplimentaw l-Artikolu 5 u għandha:

(a)

tissodisfa r-rekwiżiti tekniċi li ġejjin: (i) tinstalla, tamministra, topera u timmonitorja u tiżgura s-sigurtà tal-infrastruttura tal-IT meħtieġa biex tiġi pprovduta konnessjoni teknika mal-SSP u/jew mal-Pjattaforma T2S u jiġu sottomessi lilha ordnijiet ta' ħlas. Meta tagħmel hekk, il-parteċipanti applikanti jistgħu jinvolvu lil terzi, imma jibqgħu unikament responsabbli. B'mod partikolari, meta jaqbdu direttament mal-Pjattaforma T2S, l-applikanti detenturi ta' DCA għandhom jidħlu fi ftehim mal-fornitur tas-servizz tan-netwerk T2S biex jiksbu l-konnessjoni u l-permessi meħtieġa, skont l-ispeċifikazzjonijiet tekniċi fl-Appendiċi I; u (ii) ikunu għaddew iċ-ċertifikazzjoni tal-ittestajar u jkunu kisbu l-awtorizzazzjoni meħtieġa mill-[daħħal isem il-BĊ]; u

(b)

jissodisfaw ir-rekwiziti legali li gejjin: (i) jagħtu opinjoni ta' kapaċità fil-forma speċifikata fl-Appendiċi III, sakemm l-informazzjoni u r-rappreżentazzjonijiet biex jingħataw f'din l-opinjoni ta' kapaċita jkunu diġà ngħataw minn [daħħal isem il-BĊ] f'kuntest ieħor; u (ii) għall-istituzzjonijiet ta' kreditu stabbiliti barra ż-ŻEE, li jaġixxu permezz ta' fergħa stabbilita fiż-ŻEE, jagħtu opinjoni nazzjonali fil-forma speċifikata fl-Appendiċi III, sakemm l-informazzjoni u r-rappreżentazzjonijiet biex jingħataw f'din l-opinjoni nazzjonali jkunu diġà ngħataw minn [daħħal isem il-BĊ] f'kuntest ieħor.

2.   L-entitajiet li jixtiequ jiftħu DCA għandhom japplikaw bil-miktub lil [daħħal isem il-BĊ], bħala minimu jehmżu l-informazzjoni/dokumenti li ġejjin:

(a)	formoli kompluti ta' ġbir ta' dejta statika kif ipprovduti minn [daħħal isem il-BĊ],

(b)	l-opinjoni dwar il-kapaċità, jekk meħtieġ mill-[dħħal isem il-BĊ], u

(c)	l-opinjoni nazzjonali, jekk mitluba minn [daħħal isem il-BĊ].

3.   Il-[daħħal isem il-BĊ] jista' jitlob ukoll kull informazzjoni addizzjonali li jqis xierqa biex jiddeċiedi dwar l-applikazzjoni għall-parteċipazzjoni.

4.   Il-[daħħal isem il-BĊ] għandu jirrifjuta l-applikazzjoni għall-ftuħ ta' DCA jekk:

(a)	ma jiġux sodisfatti l-kriterji ta' aċċess imsemmija fl-Artikolu 5;

(b)	ma jiġux sodisfatti wieħed jew iżjed mill-kriterji ta' parteċipazzjoni msemmija fil-paragrafu 1; u/jew

(c)

fil-valutazzjoni ta' [daħħal isem il-BĊ], il-ftuħ ta' DCA jipperikola l-istabbiltà, is-saħħa finanzjarja u s-sigurtà globali ta' TARGET2 [daħħal ir-referenza BĊ/pajjiż] jew kwalunkwe komponent ieħor ta' TARGET2, jew jipperikola l-prestazzjoni tal-funzjonijiet ta' [daħħal isem il-BĊ] kif deskritti fi [irriferi għal-liġi nazzjonali rilevanti] u l-Istatut tas-Sistema Ewropea ta' Banek Ċentrali u tal-Bank Ċentrali Ewropew, jew toħloq riskji għal raġunijiet ta' prudenza.

5.   Il-[daħħal isem il-BĊ] għandu jikkomunika lill-applikant, id-deċiżjoni tiegħu dwar il-ftuħ ta' DCA fi żmien xahar minn meta l-[daħħal isem il-BĊ] jirċievi l-applikazzjoni. Meta l-[daħħal isem il-BĊ] jitlob aktar informazzjoni bis-saħħa tal-paragrafu 3, id-deċiżjoni għandha tiġi kkomunikata fi żmien xahar minn meta [daħħal isem il-BĊ] jirċievi din l-informazzjoni mingħand l-applikant. Kull deċiżjoni ta' ċaħda għandha tinkludi raġunijiet għal dik iċ-ċaħda.

Artikolu 7

Detenturi ta' DCA

Detenturi tad-DCA f'TARGET2 [daħħal ir-referenza BĊ/pajjiż] għandhom jikkonformaw mar-rekwiżiti stabbiliti fl-Artikolu 6. Għandu jkollhom tal-inqas DCA wieħed ma' [daħħal isem il-BĊ].

Artikolu 8

Rabtiet bejn kontijiet ta' titoli u DCAs

1.   Detentur ta' DCA jista' jitlob lil [daħħal isem il-BĊ] biex jorbot id-DCA tiegħu ma' kont wieħed jew iktar ta' titoli miżmumin f'ismu jew f'isem il-klijenti tiegħu li jżommu kontijiet ta' titoli f'CSD parteċipant wieħed jew iżjed.

2.   Detenturi ta' DCA li jorbtu d-DCA tagħhom ma' kont(ijiet) ta' titoli f'isem klijenti kif stabbilit fil-paragrafu 1 huma responsabbli biex iwaqqfu u jżommu l-lista ta' kontijiet ta' titoli konessi u, meta jkun rilevanti, l-istruttura tal-karatteristika klijent-titolizzazzjoni.

3.   Bħala riżultat tat-talba skont il-paragrafu 1, id-detentur ta' DCA jitqies li ta mandat lis-CSD meta dawn il-kontijiet ta' titoli konnessi jiżammu biex jiddebitaw lid-DCA b'ammonti li jirriżultaw minn tranżazzjonijiet ta' titoli li jseħħu fuq dawn il-kontijiet ta' titoli.

4.   Il-paragrafu 3 għandu japplika irrispettavament minn kull ftehim li d-detentur ta' DCA għandu mas-CSD u/jew id-detenturi ta' kontijiet ta' titoli.

TITOLU III

OBBLIGI TAL-PARTIJIET

Artikolu 9

Obbligi ta' [daħħal isem il-BĊ] u d-detenturi ta' DCA

1.   Il-[daħħal isem il-BĊ] għandu jiftaħ wara talba tad-detentur ta' DCA u jopera DCA [wieħed jew iktar] denominati f'euro. Ħlief fejn ipprovdut mod ieħor f'dawn il-Kundizzjonijiet jew mitlub mil-liġi, il-[daħħal isem il-BĊ] għandu juża l-mezzi kollha raġjonevoli fis-setgħa tiegħu biex iwettaq l-obbligi tiegħu taħt dawn il-Kundizzjonijiet, mingħajr ma jiggarantixxi riżultat.

2.   Id-drittijiet għas-servizzi DCA huma stabbiliti fl-Appendiċi VI. Id-detentur tal-kont PM Ewlieni li miegħu huwa marbut DCA huwa responsabbli għall-ħlas ta' dawn id-drittijiet.

3.   Detenturi ta' DCA għandhom jiżguraw li huma konnessi ma' TARGET2- [daħħal ir-referenza BĊ/pajjiż] fil-jiem ta' negozju, skont l-iskeda ta' operazzjoni fl-Appendiċi V.

4.   Id-detentur ta' DCA jiżgura u jiggarantixxi lil [daħħal isem il-BĊ] li t-twettiq tal-obbligi tiegħu skont dawn il-Kundizzjonijiet ma jiksrux xi liġi, regolament jew liġi sussidjarja li tapplika għalih jew xi ftehim li bih huwa jkun marbut.

5.   Detenturi ta' DCA għandhom jiżguraw li l-likwidità fid-DCA matul il-jum tkun ġestita sewwa. Dan l-obbligu għandu jinkludi imma ma jkunx limitat għal kisba ta' informazzjoni regolari fuq il-pożizzjoni ta' likwidità tagħhom. Il-[daħħal isem il-BĊ] għandu jipprovdi prospett ta' kontijiet ta' kuljum lil kwalunkwe detentur ta' DCA li jkun għażel servizz bħal dak fuq il-Pjattaforma T2S iżda d-detentur ta' DCA għandu jkun konness mal-Pjattaforma T2S permezz ta' fornitur ta' servizz tan-netwerk T2S.

Artikolu 10

Kooperazzjoni u informazzjoni

1.   Fit-twettiq tal-obbligi tagħhom u fl-eżerċizzju tad-drittijiet tagħhom skont dawn il-Kundizzjonijiet, il-[daħħal isem il-BĊ] u d-detenturi ta' DCA għandhom jikkooperaw mill-qrib biex jiżguraw l-istabbiltà, is-saħħa finanzjarja u s-sigurtà ta' TARGET2-[daħħal ir-referenza BĊ/pajjiż]. Għandhom jipprovdu lil xulxin b'kull informazzjoni jew dokument rilevanti għat-twettiq tal-obbligi u d-drittijiet rispettivi tagħhom skont dawn il-Kundizzjonijiet, bla ħsara għall-obbligi tas-segretezza bankarja.

2.   Il-[daħħal isem il-BĊ] għandu jistabbilixxi u jżomm system support desk biex jassisti lil detenturi ta' DCA fir-rigward ta' diffikultajiet li jinqalgħu fir-rigward tal-operazzjonijiet tas-sistema.

3.   Informazzjoni aġġornata fuq l-istatus operattiv tal-pjattaforma TARGET2 u l-Pjattaforma TS2 għandha tkun disponibbli fuq is-Sistema ta' Informazzjoni TARGET2 (T2IS) u s-Sistema ta' Informazzjoni TARGET2-Securities rispettivament. It-T2IS u s-Sistema ta' Informazzjoni TARGET2 tista' tintuża biex tinkiseb informazzjoni dwar kwalunkwe każ li jaffettwa l-operazzjoni normali tal-pjattaformi rispettivi.

4.   Il-[daħħal isem il-BĊ] jista' jew jikkomunika messaġġi lil detenturi ta' DCA permezz ta' messaġġ ta' komunikazzjoni jew permezz ta' kull mezz ieħor ta' komunikazzjoni. Detenturi ta' DCA jistgħu jiġbru informazzjoni permezz tal-ICM, safejn ikollhom kont PM, jew mod ieħor permezz tat-T2S GUI.

5.   Detenturi ta' DCA huma responsabbli għall-aġġornament fil-ħin tal-formoli ta' ġbir ta' dejta statika eżistenti u biex jibagħtu l-formoli ta' ġbir ta' dejta statika ġdida lil [daħħal isem il-BĊ]. Detenturi ta' DCA huma responsabbli biex jivverifikaw l-eżattezza ta' informazzjoni dwarhom li tiddaħħal f'TARGET2-[daħħal ir-referenza BĊ/pajjiż] mill-[daħħal isem il-BĊ].'

6.   Il-[daħħal isem il-BĊ] għandu jitqies li huwa awtorizzat jikkomunika lill-BĊNi li jipprovdu l-SSP jew il-4CBs kull informazzjoni dwar id-detenturi ta' DCA li tal-ewwel jistgħu jeħtieġu fir-rwol tagħhom ta' amministraturi tas-servizz, skont il-kuntratt fis-seħħ mal-fornitur tas-servizz tan-netwerk TARGET2 u/jew il-fornitur tas-servizz tan-netwerk T2S.

7.   Detenturi ta' DCA għandhom jinfurmaw lil [daħħal isem il-BĊ] dwar kull tibdil fil-kapaċità legali tagħhom u dwar tibdiliet leġiżlattivi rilevanti li jaffettwaw kwistjonijiet koperti bl-opinjoni nazzjonali fir-rigward tagħhom.

8.   Detenturi ta' DCA għandhom jinfurmaw il-[daħħal isem il-BĊ] dwar:

(a)	kull detentur ġdid ta' kont ta' titoli konness mad-DCA skont l-Artikolu 8(1), li huma jaċċettaw; u

(b)	kull bidla relatata mad-detenturi ta' titoli elenkati fil-punt (a).

9.   Detenturi ta' DCA għandhom jinfurmaw minnufih lil [daħħal isem il-BĊ] jekk iseħħ każ ta' inadempjenza fir-rigward tagħhom.

Artikolu 11

Indikazzjoni, sospensjoni jew terminazzjoni tal-kont PM Ewlieni

1.   Id-detentur ta' DCA għandu jindika kont PM Ewlieni li miegħu huwa marbut DCA. Il-kont PM Ewlieni jista' jinżamm f'sistema ta' komponent TARGET2 li ma jkunx [daħħal isem il-BĊ] u jista' jappartjeni lil entità ġuridika differenti minn tad-detentur ta' DCA.

2.   Parteċipant li juża aċċess bl-Internet ma jistax jiġi indikat bħala detentur ta' kont PM Ewlieni.

3.   Jekk id-detentur ta' kont PM Ewlieni u d-detentur tad-DCA huma entitajiet legali differenti u fil-każ li l-parteċipazzjoni ta' dak id-detentur ta' kont PM Ewlieni jiġi sospiż jew itterminat, il-[daħħal isem il-BĊ] u d-detentur ta' DCA għandhom jieħdu l-passi kollha raġonevoli u prattiċi biex inaqqsu kull ħsara jew telf li jirriżultaw. Id-detentur ta' DCA għandu jieħu l-passi kollha meħtieġa biex jindika kont PM ġdid mingħajr dewmien żejjed li mbagħad ikun responsabbli għal kull fattura pendenti. Fil-jum tas-sospensjoni jew terminazzjoni tad-detentur ta' kont PM Ewlieni u sakemm jiġi indikat kont PM Ewlieni ġdid, il-fondi li jibqgħu fuq id-DĊA fl-aħħar tal-jum għandhom jiċċaqalqu għall-kont ta' [daħħal isem il-BĊ]. Dawn il-fondi jkunu suġġetti għall-kundizzjonijiet ta' remunerazzjoni ta' [daħħal ir-referenza għall-arranġamenti li jimplimentaw l-Artikolu 12(5) tal-Kundizzjonijiet Armonizzati għall-Ftuħ u l-Operazzjoni ta' Kont PM f'TARGET2] kif aġġornati minn żmien għal żmien.

4.   [daħħal isem il-BĊ] m'għandu jkun responsabbli għal ebda telf li jġarrab detentur ta' DCA bħala konsegwenza tas-sospensjoni jew terminazzjoni tad-detentur tal-kont PM Ewlieni.

TITOLU IV

FTUĦ U ĠESTJONI TAD-DCA U L-IPPROĊESSAR TA' OPERAZZJONIJIET

Artikolu 12

Ftuħ u ġestjoni tad-DCA

1.   Il-[daħħal isem il-BĊ] għandu jiftaħ u jopera tal-anqas kont DCA wieħed għal kull detentur ta' DCA. DCA għandu jkun identifikat permezz ta' numru ta' kont b'34 karattru uniku li jkun strutturat kif ġej.

	Isem	Format	Kontenut
Parti A	Tip ta' kont	Karattru 1 eżatt	‘C’ għal kont ta' kontanti
	Kodiċi tal-pajjiż tal-bank ċentrali	2 karattri eżatt	Kodiċi tal-pajjiż ISO 3166-1
	Kodiċi tal-munita	3 karattri eżatt	EUR
Parti B	Detentur tal-kont	11-il karattru eżatt	Kodiċi BIC
Parti C	Subklassifikazzjoni tal-kont	Sa 17-il karattru	Test liberu (alfanumeriku) li għandu jiġi pprovdut mid-detentur ta' DCA

2.   M'għandu jitħalla l-ebda bilanċ ta' dejn fuq DCAs.

3.   Id-DCA m'għandux iżomm fondi matul il-lejl. Fil-bidu u fit-tmiem tal-jum ta' negozju, għandu jkun hemm bilanċ żero fid-DCAs. Detenturi ta' DCA għandhom jitqiesu li taw struzzjonijiet lil [daħħal isem il-BĊ] biex jittrasferixxi kull bilanċ li jibqa' fl-aħħar ta' jum ta' negozju kif iddefinit fl-Appendiċi V fil-kont PM Ewlieni msemmi fl-Artikolu 11(1).

4.   Id-DCA għandu jintuża biss fil-perijodu bejn il-bidu tal-jum T2S u t-tmiem tal-jum T2S kif iddefinit fl-Ispeċifikazzjonijiet Funzjonali Dettaljati tal-Utent T2S (UDFS).

5.   Id-DCAs għandhom ikunu mingħajr imgħax.

Artikolu 13

Operazzjonijiet li jistgħu jsiru permezz tad-DCA

Bla ħsara għad-detentur ta' DCA li jindika l-kont(ijiet) ta' titoli meħtieġa, id-detentur ta' DCA jista' jagħmel l-operazzjonijiet li ġejjin permezz ta' DCA jew f'ismu jew f'isem il-klijenti tiegħu:

(a)	ordnijiet ta' trasferiment ta' likwidità PM lil DCA;

(b)	ordnijiet ta' trasferiment ta' likwidità DCA lil DCA

(c)	il-ħlas ta' struzzjonijiet ta' kontanti ġejjin mill-Pjattaforma T2S; u

(d)	trasferiment ta' kontanti bejn id-DCA u d-DCA ta' [daħħal isem il-BĊ] fil-kuntest partikolari tal-paragrafi 8 u 9 tal-Anness IIIa.

Artikolu 14

Aċċettazzjoni u ċaħda ta' ordnijiet ta' ħlas

1.   Ordnijiet ta' ħlas mibgħuta minn detenturi ta' DCA jitqiesu li ġew aċċettati minn [daħħal isem il-BĊ] jekk:

(a)	il-messaġġ ta' ħlas huwa konformi mar-regoli stabbiliti mill-fornitur tas-servizz tan-netwerk T2S;

(b)	il-messaġġ għall-ħlas huwa konformi mar-regoli u l-kundizzjonijiet ta' TARGET2-[daħħal ir-referenza BĊ/pajjiż] dwar l-ifformattjar u jgħaddi mill-verifika ta' dħul doppju deskritta fl-Appendiċi I; u

(c)	fil-każ li min iħallas jew min jitħallas ikun ġie sospiż, ikun inkiseb il-kunsens espliċitu tal-BĊ tal-parteċipant sospiż.

2.   Il-[daħħal isem il-BĊ] għandu jiċħad minnufih kull ordni ta' ħlas li ma tissodisfax il-kundizzjonijiet stabbiliti fil-paragrafu 1. Il-[daħħal isem il-BĊ] għandu jinforma lid-detentur ta' DCA b'kull ċaħda ta' ordni ta' ħlas, kif speċifikat fl-Appendiċi I.

3.   Il-Pjattaforma T2S tiddetermina t-timbru tal-ħin (timestamp) għall-ipproċessar ta' ordnijiet ta' ħlas fuq il-bażi tal-ħin meta tirċievi u taċċetta l-ordni ta' ħlas.

Artikolu 15

Riżerva u mblokkar ta' likwidità

1.   Il-parteċipanti jistgħu jirriżervaw jew jimblokkaw likwidità fuq id-DCA tagħhom. Dan ma jikkostitwixxix garanzija ta' ħlas fil-konfront ta' kwalunkwe terza parti.

2.   Meta jitlob biex jirriżerva jew jimblokka ammont ta' likwidità, parteċipant jagħti struzzjoni lil [daħħal isem il-BĊ] biex inaqqas il-likwidità disponibbli b'dan l-ammont.

3.   Talba ta' riżerva hija struzzjoni li biha, jekk il-likwidità disponibbli hija daqs jew ogħla mill-ammont li għandu jiġi rriżervat, tiġi pproċessata r-riżerva. Jekk il-likwidità disponibbli tkun iktar baxxa, tiġi rriżervata u n-nuqqas tista' tagħmel tajjeb għalih il-likwidità li tidħol sakemm l-ammont sħiħ tar-riżerva jkun disponibbli.

4.   Talba għall-imblokkar hija struzzjoni li biha, jekk il-likwidità disponibbli hija daqs jew ogħla mill-ammont li għandu jiġi mblokkat, tiġi pproċessata t-talba għall-imblokkar. Jekk il-likwidità disponibbli tkun iktar baxxa, l-ebda ammont ma jiġi mblokkat u t-talba għall-imblokkar terġa' tintbagħat, sakemm l-ammont sħiħ tat-talba tal-imblokkar jista' jiġi ssodisfatt bil-likwidità disponibbli.

5.   Il-parteċipant jista' fi kwalunkwe żmien matul il-jum ta' negozju meta tkun ġiet ipproċessata talba għar-riżerva jew l-imblokkar ta' likwidità, jagħti struzzjonijiet [daħħal isem il-BĊ] biex jitħassru r-riżerva jew l-imblokkar. M'għandux jiġi permess it-tħassir parzjali.

6.   It-talbiet kollha għal riżerva jew imblokkar ta' likwidità skont dan l-artikolu għandhom jiskadu fl-aħħar tal-jum ta' negozju.

Artikolu 16

Mument ta' dħul, mument ta' irrevokabbiltà

1.   Għall-finijiet tal-ewwel sentenza tal-Artikolu 3(1) u l-Artikolu 5 tad-Direttiva 98/26/KE u [daħħal id-dispożizzjonijiet tal-liġi nazzjonali li jimplimentaw dawn l-Artikoli tad-Direttiva 98/26/KE], ordnijiet ta' trasferiment ta' likwidità DCA lil DCA jew ordnijiet ta' trasferiment ta' likwidità DCA lil PM jitqiesu li ddaħħlu f'TARGET2-[daħħal ir-referenza BĊ/pajjiż] u huma irrevokabbli fil-mument li l-kont DCA tad-detentur tad-DCA rilevanti jiġi ddebitat. Ordnijiet ta' trasferiment ta' likwidità PM lil DCA huma rregolati mill-Kundizzjonijiet Armonizzati għall-Ftuħ u l-Operat ta' Kont ta' Kontanti Dedikat f'TARGET2 applikabbli għal sistema ta' komponent TARGET2 li joriġinaw minnha.

2.   Għall-finijiet tal-ewwel sentenza tal-Artikolu 3(1) u l-Artikolu 5 tad-Direttiva 98/26/KE u [daħħal id-dispożizzjoni tal-liġi nazzjonali li timplimenta dawn l-Artikoli tad-Direttiva 98/26/KE] u għat-tranżazzjonijiet kollha li jitħallsu minn DCAs u li huma suġġetti għat-tqabbil ta' żewġ ordnijiet ta' trasferiment separati, dawn l-ordnijiet ta' trasferiment jitqiesu li ddaħħlu f'TARGET2-[daħħal ir-referenza BĊ/pajjiż] u huma irrevokabbli fil-mument li l-kont DCA tad-detentur tad-DCA rilevanti huwa ddebitat.

3.   Ir-regoli stabbiliti fil-paragrafu 2 għandhom jinbiddlu bir-regoli ta' hawn taħt ġimagħtejn wara li l-Kunsill Governattiv tal-BĊE jkun iddetermina li ġie ffirmat ftehim bejn il-BĊ tal-Eurosistema u l-BĊNi Konnessi, minn naħa, u s-CSDs parteċipanti kollha f'T2S fid-data ta' tali ftehim, min-naħa l-oħra, dwar id-dispożizzjoni tal-informazzjoni u r-responsabbiltà

(a)

Għat-tranżazzjonijiet kollha li jitħallsu minn DCAs u li huma suġġetti għal tqabbil ta' żewġ ordnijiet ta' trasferiment separati, dawn l-ordnijiet ta' trasferiment jitqiesu li ddaħħlu f'TARGET2-[daħħal ir-referenza BĊ/pajjiż] fil-mument li jkun ġew iddikjarati konformi mar-regoli tekniċi tat-T2S mill-Pjattaforma T2S u irrevokabbli fil-mument li t-tranżazzjoni tkun ingħatat status ‘imqabbla’ fuq il-Pjattaforma T2S; jew

(b)

Bħala eċċezzjoni għall-punt (a), għal tranżazzjonijiet li jinvolvu CSD parteċipanti wieħed li jkollu komponent li jaqbel fejn jintbagħtu direttament ordnijiet ta' trasferiment lil dak is-CSD parteċipanti li għandu jitqabbel fil-komponent li jaqbel separat tiegħu, l-ordnijiet ta' trasferiment jitqiesu mdaħħlin f'TARGET2-[daħħal ir-referenza BĊ/pajjiż] fil-mument li jkunu ġew iddikjarati konformi mar-regoli tekniċi tat-T2S minn dak is-CDS parteċipant u irrevokabbli mill-mument it-tranżazzjoni tkun ngħatat l-istatus ‘imqabbla’ fuq il-Pjattaforma T2S. Lista ta' CSDs li għalihom japplika dan il-punt (b) hija disponibbli fuq il-websajt tal-BĊE.

TITOLU V

REKWIŻITI TAS-SIGURTÀ, KWISTJONIJIET TA' KONTINĠENZA U INTERFAĊĊI TAL-UTENT

Artikolu 17

Proċeduri ta' kontinwità tas-servizz u ta' kontinġenza

Fil-każ li jseħħ xi każ estern straordinarju jew kull każ ieħor li jaffettwa t-tranżazzjonijiet fuq id-DCAs, għandhom japplikaw il-proċeduri ta' kontinwità tas-servizz u ta' kontinġenza deskritti fl-Appendiċi IV.

Artikolu 18

Rekwiziti tas-sigurtà

1.   Id-detenturi ta' DCA għandhom jimplimentaw kontrolli ta' sigurtà adegwati biex jipproteġu s-sistemi tagħhom minn aċċess u użu mhux awtorizzat. Id-detenturi ta' DCA għandhom ikunu responsabbli esklussivament għall-protezzjoni adegwata biex tiġi żgurata l-kunfidenzjalità, l-integrità u d-disponibbiltà tas-sistemi tagħhom.

2.   Id-detenturi ta' DCA għandhom jinfurmaw lil [daħħal isem il-BĊ] b'kull inċident relatat mas-sigurtà fl-infrastruttura teknika tagħhom, u fejn meħtieġ, b'inċidenti relatati mas-sigurtà li jseħħu fl-infrastruttura teknika ta' fornituri terzi. Il-[daħħal isem il-BĊ] jista' jitlob aktar informazzjoni dwar l-inċident u, jekk meħtieġ, jitlob biex id-detenturi ta' DCA jieħu miżuri xierqa biex jevitaw li jerġa' jseħħ inċident ta' dak it-tip.

3.   Il-[daħħal isem il-BĊ] jista' jimponi obbligi ta' sigurtà addizzjonali fuq id-detenturi ta' DCA kollha u/jew fuq detenturi ta' DCA li huma kkunsidrati kritiċi minn [daħħal isem il-BĊ].

Artikolu 19

Interfaċċi tal-utent

1.   Id-detentur ta' DCA, jew id-detentur tal-kont PM Ewlieni li jaġixxi f'ismu, għandu juża jew wieħed jew iż-żewġ mezzi li ġejjin biex ikollu aċċess għal dak id-DCA:

(a)	konnessjoni diretta mal-Pjattaforma T2S fil-modalitajiet U2 A jew A2 A; jew

(b)	TARGET2 ICM flimkien mas-servizzi ta' valur miżjud TARGET2 għal T2S.

2.   Konnessjoni diretta mal-Pjattaforma T2S tippermetti lid-detenturi ta' DCA:

(a)	li jkollhom aċċess u, meta japplika, jemendaw informazzjoni dwar il-kontijiet tagħhom;

(b)	li jiġġestixxu l-likwidità u jibdew ordnijiet ta' trasferiment ta' likwidità mid-DCAs.

3.   It-TARGET ICM flimkien mas-servizzi b'valur miżjud ta' TARGET2 għal T2S jippermetti lid-detentur tal-Kont PM Ewlieni:

(a)	li jkollu aċċess għal informazzjoni dwar il-kontijiet tagħhom;

(b)	li jiġġestixxi l-likwidità u jibda ordnijiet ta' trasferiment ta' likwidità mid-DCAs.

Iktar dettalji tekniċi dwar it-TARGET ICM jinsabu fi [daħħal id-dispożizzjonijiet nazjonali li jimplimentaw l-Appendiċi I sal-Anness II tal-Linja Gwida].

TITOLU VI

KUMPENS, SISTEMA TA' RESPONSABBILTÀ U EVIDENZA

Artikolu 20

Skema ta' kumpens

Fil-każ li jibqgħu fondi matul il-lejl fuq DCA minħabba ħsara teknika jew tal-SSP jew tal-Pjattaforma T2S, il-[daħħal isem il-BĊ] għandu joffri kumpens lill-parteċipanti kkonċernati skont il-proċedura speċjali preskritta fl-Appendiċi II.

Artikolu 21

Sistema ta' responsabbiltà

1.   Meta jwettqu l-obbligi tagħhom bis-saħħa ta' dawn il-Kundizzjonijiet, il-[daħħal isem il-BĊ] u d-detenturi ta' DCA għandhom jintrabtu b'obbligu ġenerali ta' diliġenza raġonevoli fil-konfront ta' xulxin.

2.   Il-[daħħal isem il-BĊ] għandu jkun responsabbli lejn id-detenturi ta' DCA tiegħu f'każijiet ta' frodi (inkluż imma mhux biss aġir doluż) jew negliġenza kbira, għall kull telf li jirriżulta mill-operazzjoni ta' TARGET2-[daħħal ir-referenza BĊ/pajjiż]. Fil-każijiet ta' negliġenza ordinarja, ir-responsabbiltà ta' [daħħal isem il-BĊ] għandha tkun limitata għat-telf dirett tad-detentur ta' DCA, jiġifieri l-ammont tat-tranżazzjoni inkwistjoni u/jew it-telf tal-imgħax fuqu, eskluż kull telf konsegwenti.

3.   Il-[daħħal isem il-BĊ] ma huwa responsabbli għal ebda telf li jirriżulta minn ħsara jew nuqqas fl-infrastruttura teknika (inkluż imma mhux limitata għall-infrastruttura, il-programmi, id-dejta, l-applikazzjonijiet jew in-netwerks tal-kompjuter ta' [daħħal isem il-BĊ]), jekk din il-ħsara jew in-nuqqas li jiġru minkejja l-fatt li [daħħal isem il-BĊ] ikun adotta dawk il-miżuri li huma raġonevolment meħtieġa għall-protezzjoni tat-tali infrastruttura kontra ħsara jew nuqqas u biex jirriżolvi l-konsegwenzi ta' din il-ħsara jew nuqqas (dawn għandhom jinkludu imma ma jkunux limitati għall-bidu u t-tkomplija tal-proċeduri ta' kontinwità tas-servizz u ta' kontinġenza msemmija fl-Appendiċi IV).

4.   Il-[daħħal isem il-BĊ] m'għandux ikun responsabbli:

(a)	sakemm it-telf ikun ikkawżat mid-detentur tad-DCA; jew

(b)	jekk it-telf jirriżulta minn każijiet esterni li l-[daħħal isem il-BĊ] raġonevolment ma kollux kontroll fuqhom (forza maġġuri).

5.   Minkejja l-[daħħal id-dispożizzjonijiet tal-liġi nazzjonal li timplimenta d-Direttiva 2007/64/KE tal-Parlament Ewropew u tal-Kunsill (***)], il-paragrafi 1 sa 4 għandhom japplikaw sa fejn ir-responsabbiltà ta' [daħħal isem il-BĊ] tista' tiġi eskluża.

6.   Il-[daħħal isem il-BĊ] u d-detenturi ta' DCA għandhom jieħdu l-miżuri kollha raġonevoli u l-passi prattiċi biex inaqqsu kull dannu jew telf imsemmi f'dan l-Artikolu.

7.   Fit-twettiq tal-obbligi kollha tiegħu jew xi wħud minnhom skont dawn il-Kundizzjonijiet, il-[daħħal isem il-BĊ] jista' jikkummissjona terzi f'ismu, b'mod partikolari fornituri tat-telekomunikazzjonijiet jew ta' netwerks oħra jew entitajiet oħra, jekk dan ikun meħtieġ biex jiġu ssodisfati l-obbligi ta' [daħħal isem il-BĊ] jew jekk din tkun prattika standard fis-suq. L-obbligu ta' [daħħal isem il-BĊ] għandu jkun limitat għall-għażla xierqa u l-ikkummissjonar ta' kwalunkwe terzi, u r-responsabbiltà ta' [daħħal isem il-BĊ] għandha tkun limitata b'dan il-mod. Għall-finijiet ta' dan il-paragrafu, il-BĊNi li jipprovdu l-SSP u l-4CBs m'għandhomx jitqiesu bħala terzi.

Artikolu 22

Evidenza

1.   Sakemm mhux ipprovdut mod ieħor f'dawn il-Kundizzjonijiet, il-messaġġi kollha marbutin mal-ħlas u l-ipproċessar tal-ħlas fir-rigward ta' DCAs, bħal konfermi ta' debiti jew krediti, jew messaġġi ta' rendikont, bejn il-[daħħal isem il-BĊ] u d-detenturi ta' DCA għandhom ikunu disponibbli permezz tal-fornitur tas-servizz tan-netwerk T2S.

2.   Dokumenti elettroniċi jew miktuba tal-messaġġi miżmuma minn [daħħal isem il-BĊ] jew mill-fornituri tas-servizz tan-netwerk T2S għandhom jiġu aċċettati bħala mezz ta' evidenza tal-ħlasijiet ipproċessati permezz ta' [daħħal isem il-BĊ]. Il-verżjoni maħżuna jew stampata tal-messaġġ oriġinali tal-fornitur tas-servizz tan-netwerk T2S għandha tiġi aċċettata bħala mezz ta' evidenza, tkun xi tkun il-forma oriġinali tiegħu.

3.   Jekk il-konnessjoni tad-detentur ta' DCA mal-fornitur tas-servizz tan-netwerk T2S tkun bil-ħsara, id-detentur ta' DCA għandu juża mezz alternattiv ta' trażmissjoni ta' messaġġi miftiehma [daħħal isem il-BĊ]. F'dawn il-każijiet, il-verżjoni maħżuna jew stampata tal-messaġġ prodott minn [daħħal isem il-BĊ] għandha, għal finijiet ta' evidenza, titqies daqs li kieku hija verżjoni oriġinali, tkun xi tkun il-forma tagħha.

4.   Il-[daħħal isem il-BĊ] għandu jżomm reġistri tal-ordnijiet ta' ħlas ippreżentati kompleti u l-ħlasijiet li jkunu rċevew id-detenturi ta' DCA għal perijodu ta' [daħħal il-perijodu meħtieġ mil-liġi nazzjonali] miż-żmien li fih jiġu ppreżentati dawn l-ordnijiet ta' ħlas u meta jaslu l-ħlasijiet, iżda dawn ir-reġistri kompleti għandhom ikopru minimu ta' ħames snin għal kull detentur ta' DCA f'TARGET2 li huwa suġġett għall-viġilanza kontinwa bis-saħħa tal-miżuri restrittivi adottati mill-Kunsill tal-Unjoni Ewropea jew mill-Istati Membri, jew għal aktar jekk meħtieġ minn regolamenti speċifiċi.

5.   Il-kotba u d-dokumenti ta' [daħħal isem il-BĊ] stess (kemm jekk miżmuma fuq karta, microfilm, microfiche, b'reġistrazzjoni elettronika jew manjetika, f'kull forma oħra riproduċibbli b'mod mekkaniku jew mod ieħor) għandhom jiġu aċċettati bħala mezz ta' evidenza ta' kull obbligu tad-detenturi ta' DCA u ta' kull fatt u każ li fuqhom qed jiddependu l-partijiet.

TITOLU VII

TERMINAZZJONI U GĦELUQ TA' DCAs

Artikolu 23

Kemm idumu u terminazzjoni ordinarja ta' DCAs

1.   Bla ħsara għall-Artikolu 24, DCA f'TARGET2-[daħħal ir-referenza BĊ/pajjiż] jinfetaħ għal perijodu indefinit ta' żmien.

2.   Detentur ta' DCA jista' jtemm il-parteċipazzjoni DCA tiegħu f'TARGET2-[daħħal ir-referenza BĊ/pajjiż] f'kull ħin billi jagħti avviż ta' 14-il jum ta' negozju, sakemm ma jaqbilx ma' perijodu ta' notifika iqsar mal-[daħħal isem il-BĊ].

3.   Il-[daħħal isem il-BĊ] jista' jittermina d-DCA ta' detentur ta' DCA f'TARGET2-[daħħal ir-referenza BĊ/pajjiż] f'kull ħin billi jagħti notifika ta' tliet xhur, sakemm ma jaqbilx ma' perijodu ta' notifika differenti ma' dak id-detentur ta' DCA.

4.   Mat-terminazzjoni tad-DCA, id-dmirijiet tal-kunfidenzjalità stabbiliti fl-Artikolu 27 jibqgħu fis-seħħ għal perijodu ta' ħames snin li jibda jgħaddi mid-data tat-terminazzjoni.

5.   Mat-terminazzjoni tad-DCA, għandu jingħalaq skont l-Artikolu 25.

Artikolu 24

Sospensjoni u terminazzjoni straordinarja tal-parteċipazzjoni

1.   Il-parteċipazzjoni ta' detentur ta' DCA f'TARGET2-[daħħal ir-referenza BĊ/pajjiż] għandha tkun itterminata minnufih mingħajr preavviż jew sospiża jekk iseħħ wieħed mill-każijiet ta' inadempjenza li ġejjin:

(a)	il-ftuħ ta' proċeduri ta' insolvenza; u/jew

(b)	id-detentur ta' DCA m'għadux jissodisfa l-kriterji tal-aċċess stabbiliti fl-Artikolu 5.

2.   Il-[daħħal isem il-BĊ] jista' jittermina jew jissospendi l-parteċipazzjoni tad-detentur ta' DCA f'TARGET2-[daħħal ir-referenza BĊ/pajjiż] mingħajr preavviż jekk:

(a)	iseħħu wieħed jew aktar mill-każijiet ta' inadempjenza (minbarra dawk imsemmijin fil-paragrafu 1);

(b)	id-detentur ta' DCA qed jikser dawn il-Kundizzjonijiet b'mod materjali;

(c)	id-detentur ta' DCA jonqos milli jwettaq xi obbligu materjali fil-konfront ta' [daħħal isem il-BĊ];

(d)	id-detentur ta' DCA huwa eskluż minn, jew altrimenti ma jibqax membru ta', Grupp Magħluq T2S ta' Utenti (CGU); u/jew

(e)

iseħħ kwalunkwe każ relatat ieħor mad-detentur ta' DCA li, fil-valutazzjoni ta' [daħħal isem il-BĊ], jipperikola l-istabbiltà, is-saħħa finanzjarja u sigurtà globali ta' TARGET2 [daħħal ir-referenza BĊ/pajjiż] jew kwalunkwe sistema komponenti oħra ta' TARGET2, jew jipperikola t-twettiq tal-funzjonijiet ta' [daħħal isem il-BĊ] kif deskritti fi [irreferi għal-liġi nazzjonali rilevanti] u l-Istatut tas-Sistema Ewropea ta' Banek Ċentrali u tal-Bank Ċentrali Ewropew, jew joħloq riskji għal raġunijiet ta' prudenza;

3.   Fl-eżerċizzju tad-diskrezzjoni tiegħu taħt il-paragrafu 2, il-[daħħal isem il-BĊ] għandu jqis, inter alia, is-serjetà tal-każ ta' inadempjenza jew tal-każijiet imsemmija fis-subparagrafi (a) sa (c).

4.

(a) F'każ illi l-[daħħal isem il-BĊ] jissospendi jew jittermina l-parteċipazzjoni ta' detentur ta' DCA f'TARGET2-[daħħal isem il-BĊ] skont il-paragrafu 1 jew 2, il-[daħħal isem il-BĊ] għandu jinforma minnufih lil dak id-detentur ta' DCA, lil BĊi oħrajn u lill-parteċipanti l-oħra dwar din is-sospensjoni jew terminazzjoni permezz ta' messaġġ imxandar ICM jew messaġġ imxandar T2S skont liema għażla teknika prevista juża d-detentur ta' DCA taħt l-Artikolu 19. (b) F'każ illi l-[daħħal isem il-BĊ] huwa informat minn BĊ ieħor b'sospensjoni jew terminazzjoni ta' parteċipant f'sistema komponenti oħra ta' TARGET2, il-[daħħal isem il-BĊ] għandu jinforma minnufih lill-parteċipanti tiegħu dwar din is-sospensjoni jew terminazzjoni permezz ta' messaġġ imxandar ICM jew messaġġ imxandar T2S skont liema għażla teknika prevista juża d-detentur ta' DCA taħt l-Artikolu 19. (c) Ladarba dan il-messaġġ imxandar ICM (fil-każ ta' detenturi ta' kont PM) jew messaġġ imxandar T2S (fil-każ ta' detenturi ta' DCA) ikun ġie riċevut mill-parteċipanti, dawk il-parteċipanti għandhom jitqiesu li huma informati bit-terminazzjoni/sospensjoni tal-parteċipazzjoni ta' detentur ta' DCA f'TARGET2-[daħħal ir-referenza BĊ/pajjiż] jew sistema ta' komponent ieħor ta' TARGET2. Il-parteċipanti għandhom ibatu kull telf li jirriżulta mis-sottomissjoni ta' ordni għall-ħlas lil parteċipanti li l-parteċipazzjoni tagħhom tkun ġiet sospiża jew itterminata jekk din l-ordni għall-ħlas tkun iddaħħlet f'TARGET2-[daħħal ir-referenza BĊ/pajjiż] wara li l-messaġġ imxandar ICM ikun ġie iriċevut jew il-messaġġ imxandar T2S skont liema għażla teknika juża d-detentur ta' DCA taħt l-Artikolu 19.

5.   Mat-terminazzjoni tal-parteċipazzjoni ta' detentur ta' DCA, TARGET2-[daħħal ir-referenza BĊ/pajjiż] m'għandux jaċċetta ordnijiet ta' ħlas ġodda mingħand dak id-detentur ta' DCA.

6.   Jekk detentur ta' DCA jiġi sospiż minn TARGET2-[daħħal ir-referenza BĊ/pajjiż], l-ordnijiet ta' ħlas kollha li jidħlu u li joħorġu għandhom jiġu ppreżentati għall-ħlas biss wara li jkunu ġew aċċettati espliċitament mill-BĊ tad-detentur ta' DCA sospiż.

Artikolu 25

Għeluq ta' DCAs

1.   Id-detenturi ta' DCA jistgħu jitolbu l-[daħħal isem il-BĊ] biex jagħlaq id-DCAs tagħhom fi kwalunkwe ħin iżda għandhom jagħtu l-[daħħal isem il-BĊ] avviż ta' 14-il jum ta' negozju dwaru.

2.   Mat-terminazzjoni tal-parteċipazzjoni, bis-saħħa jew tal-Artikolu 23 jew 24, il-[daħħal isem il-BĊ] għandu jagħlaq id-DCA tad-detentur tad-DCA kkonċernat, wara li jkun ħallas jew irritorna kull ordni ta' ħlas mhux imħallsa u jkun għamel użu tad-drittijiet tiegħu ta' rahan u tpaċija skont l-Artikolu 26.

TITOLU VIII

DISPOŻIZZJONIJIET FINALI

Artikolu 26

Id-drittijiet ta' rahan u ta' tpaċija tal-[daħħal isem il-BĊ]

1.   [Daħħal jekk japplika: Il-[daħħal isem il-BĊ] għandu jkollu rahan fuq il-bilanċi tal-kreditu eżistenti u futuri tad-detentur ta' DCA fuq id-DCAs tiegħu, biex b'dan jikkollateralizza kwalunkwe talba kurrenti u futuri li jirriżultaw mir-relazzjoni legali bejn il-partijiet.]

1a.

[Daħħal jekk japplika: It-talbiet kurrenti jew futuri ta' detentur ta' DCA fir-rigward tal-[daħħal isem il-BĊ] li jirriżultaw minn bilanċ tal-kreditu fid-DCA għandhom jiġu ttrasferiti lil [daħħal isem il-BĊ] bħala kollateral, jiġifieri bħala trasferiment fiduċjarju, għal kull talba kurrenti jew futura tal-[daħħal isem il-BĊ] fir-rigward tal-parteċipant li tirriżulta mill-[daħħal ir-referenza għall-arranġament li jimplimenta dawn il-Kundizzjonijiet]. Dan il-kollateral għandu jiġi stabbilit bis-sempliċi fatt illi l-fondi jkunu ġew ikkreditati lid-DCA tad-detentur ta' DCA.]

1b.	[Daħħal jekk japplika: Il-[daħħal isem il-BĊ] għandu jkollu imposta mhux fissa fuq il-bilanċi tal-kreditu eżistenti u futuri tad-detentur ta' DCA fuq id-DCAs tiegħu, biex b'dan jikkollateralizza kwalunkwe talba kurrenti u futura li jirriżultaw mir-relazzjoni legali bejn il-partijiet.]

2.   [Daħħal jekk japplika: Il-[daħħal isem il-BĊ] għandu jkollu d-dritt imsemmi fil-paragrafu 1 anki jekk it-talbiet tiegħu huma kontinġenti biss jew għadhom mhumiex dovuti.]

3.   [Daħħal jekk japplika: Il-parteċipant, fil-kapaċità tiegħu bħala detentur ta' DCA, b'dan jirrikonoxxi l-ħolqien ta' rahan favur [daħħal isem il-BĊ], li miegħu dak id-DCA nfetaħ; dan ir-rikonoxximent għandu jikkostitwixxi l-provvista ta' assi mogħtija b'rahan lil [daħħal isem il-BĊ] imsemmi fil-liġi [daħħal l-aġġettiv nazzjonali relevanti]. Kull ammont imħallas fid-DCA li l-bilanċ tiegħu huwa mogħti b'rahan għandu, bis-sempliċi fatt illi jkun tħallas, jingħata b'rahan irrevokabbli, mingħajr ebda limitazzjoni, bħala titolu ta' kollateral għall-adempjiment sħiħ tal-obbligi titolizzati.]

4.   Malli jseħħ:

(a)	każ ta' inadempjenza, imsemmi fl-Artikolu 24(1); jew

(b)

kull każ ieħor ta' inadempjenza jew każ imsemmi fl-Artikolu 24(2) li wassal għat-terminazzjoni jew is-sospensjoni tal-parteċipazzjoni tad-detentur ta' DCA, minkejja l-bidu ta' kwalunkwe proċedura ta' insolvenza fir-rigward ta' detentur ta' DCA u minkejja kwalunkwe ċessjoni, sekwestru ġudizzjarju jew mod ieħor jew dispożizzjoni oħra ta' jew fir-rigward tad-drittijiet tad-detentur ta DCA;

l-obbligi kollha tad-detentur ta' DCA għandhom ikunu awtomatikament u immedjatament aċċellerati, mingħajr preavviż u mingħajr il-bżonn għal approvazzjoni minn qabel ta' kwalunkwe awtorità, biex ikun immedjatament dovut. Barra minn dan, l-obbligi reċiproki tad-detentur ta' DCA u l-[daħħal isem il-BĊ] għandhom jiġu paċuti awtomatikament ma' xulxin, u l-parti li għandha tagħti l-ammont li huwa ogħla għandha tħallas id-differenza lill-parti l-oħra.

5.   Il-[daħħal isem il-BĊ] għandu minnufih javża lid-detentur ta' DCA b'kull tpaċija skont il-paragrafu 4 wara li tkun seħħet din it-tpaċija.

6.   Il-[daħħal isem il-BĊ] jista' jiddebita mingħajr preavviż id-DCA ta' kwalunkwe detentur ta' DCA bl-ammont li d-detentur ta' DCA għandu jagħti lil [daħħal isem il-BĊ] bħala riżultat tar-relazzjoni legali bejn id-detentur ta' DCA u l-[daħħal isem il-BĊ].

Artikolu 27

Kunfidenzjalità

1.   Il-[daħħal isem il-BĊ] għandu jżomm kunfidenzjali kull informazzjoni sensittiva jew sigrieta, inkluż meta din l-informazzjoni tirrigwarda ħlas, informazzjoni teknika jew organizzattiva li tappartjeni lid-detentur ta' DCA jew lill-klijenti tad-detentur ta' DCA, sakemm id-detentur ta' DCA jew il-klijent tiegħu ma jkunx ta l-kunsens bil-miktub biex jiġi żvelat [daħħal il-frażi li jmiss jekk applikabbli taħt il-liġi nazzjonali: jew dan l-iżvelar huwa permezz jew meħtieġ taħt il-liġi [daħħal l-aġġettiv li jirrigwarda l-isem tal-pajjiż].

2.   B'deroga mill-paragrafu 1, id-detentur ta' DCA jaqbel li l-[daħħal isem il-BĊ] jista' jiżvela informazzjoni dwar ordni ta' ħlas, teknika jew organizzattiva li tirrigwarda d-detentur ta' DCA, DCAs oħrajn miżmumin minn detenturi ta' DCA tal-istess grupp, jew klijenti ta' detentur ta' DCA miksubin matul l-operazzjoni ta' TARGET2-[daħħal ir-referenza BĊ/pajjiż] lill-BĊi oħrajn jew lil terzi persuni li huma involuti fl-operazzjoni ta' TARGET2-[daħħal ir-referenza BĊ/pajjiż], sal-punt illi dan huwa neċessarju għall-funzjonament effiċjenti ta' TARGET2, jew il-monitoraġġ tal-iskopertura tad-detentur ta' DCA jew tal-grupp tiegħu, jew lil awtoritajiet superviżorji jew ta' sorveljanza ta' Stati Membri u tal-Unjoni sal-punt illi dan ikun neċessarju għat-twettiq tal-kompiti pubbliċi tagħhom, u sakemm f'dawn il-każijiet kollha l-iżvelar ma jkunx f'kunflitt mal-liġi applikabbli. Il-[daħħal isem il-BĊ] m'għandux ikun responsabbli għall-konsegwenzi finanzjarji u kummerċjali ta' dan l-iżvelar.

3.   B'deroga mill-paragrafu 1 u sakemm dan ma jagħmilhiex possibbli, kemm direttament kif ukoll indirettament, li jiġu identifikati d-detentur ta' DCA jew il-klijenti tad-detentur ta' DCA, il-[daħħal isem il-BĊ] jista' juża, jiżvela jew jippubblika informazzjoni dwar ħlas li jirrigwarda lid-detentur ta' DCA jew lill-klijenti tad-detentur ta' DCA għal finijiet statistiċi, storiċi, xjentifiċi jew oħrajn fl-eżerċitar tal-funzjonijiet pubbliċi tagħhom jew ta' funzjonijiet ta' entitajiet pubbliċi oħra li lilhom tiġi żvelata l-informazzjoni.

4.   Informazzjoni li tirrigwarda l-operazzjoni ta' TARGET2-[daħħal ir-referenza BĊ/pajjiż] li għalih kellhom aċċess id-detenturi ta' DCA, tista' tintuża biss għall-finijiet stabbiliti f'dawn il-Kundizzjonijiet. Id-detenturi ta' DCA għandhom iżommu din l-informazzjoni kunfidenzjali, sakemm il-[daħħal isem il-BĊ] ma jkunx ta espliċitament l-kunsens tiegħu bil-miktub għall-iżvelar. Id-detenturi ta' DCA għandhom jiżguraw illi kwalunkwe terzi persuni li lilhom huma jesternalizzaw, jiddelegaw jew jissubkuntrattaw kompiti li għandhom jew li jista' jkollhom impatt fuq it-twettiq tal-obbligi tagħhom taħt dawn il-Kundizzjonijiet huma marbutin bir-rekwiżiti tal-kunfidenzjalità f'dan l-Artikolu.

5.   Il-[daħħal isem il-BĊ] għandu jkun awtorizzat, sabiex jagħmel ħlas ta' ordnijiet ta' ħlas, li jipproċessa u jittrasferixxi d-dejta neċessarja lill-fornitur tas-servizz ta' netwerk T2S.

Artikolu 28

Protezzjoni ta' dejta, prevenzjoni kontra ħasil tal-flus, miżuri amministrattivi jew restrittivi u kwistjonijiet relatati

1.   Id-detenturi ta' DCA għandhom jitqiesu li jafu dwar, u li ser jikkonformaw ma', l-obbligi kollha tagħhom marbutin ma' leġiżlazzjoni dwar il-protezzjoni tad-dejta, il-prevenzjoni tal-ħasil tal-flus u l-finanzjament tat-terroriżmu, attivitajiet nukleari sensittivi għall-proliferazzjoni u l-iżvilupp ta' sistemi għall-konsenja ta' armi nukleari, partikolarment bħala implimentazzjoni ta' miżuri xierqa li jikkonċernaw kwalunkwe ordni ta' ħlas iddebitata minn jew ikkreditata fil-kontijiet DCA tagħhom. Qabel ma jidħlu f'relazzjoni kuntrattwali mal-fornitur tas-servizz tan-netwerk T2S, id-detenturi ta' DCA għandhom ikunu familjari mal-politika dwar il-ġbir tad-dejta.

2.   Id-detenturi ta' DCA għandhom jitqiesu li awtorizzaw lil [daħħal isem il-BĊ] biex jikseb kull informazzjoni li tirrigwardahom mingħand xi awtorità finanzjarja jew superviżorja jew entità tan-negozju, kemm nazzjonali kif ukoll barranija, jekk din l-informazzjoni tkun neċessarja għall-parteċipazzjoni tal-detenturi ta' DCA f'TARGET2-[daħħal ir-referenza BĊ/pajjiż].

3.   Id-detenturi ta' DCA, meta jaġixxu bħala l-fornitur tas-servizz ta' ħlas ta' min iħallas jew ta' min jitħallas, għandhom jikkonformaw mar-rekwiżiti kollha li jirriżultaw minn miżuri amministrattivi jew restrittivi imposti bis-saħħa tal-Artikoli 75 jew 215 tat-Trattat li għalihom huma suġġetti, inkluż fir-rigward tan-notifika u/jew il-kisba tal-kunsens minn awtorità kompetenti fir-rigward tal-ipproċessar ta' tranżazzjonijiet. Barra minn dan:

(a)

meta l-[daħħal isem il-BĊ] ikun il-fornitur tas-servizz ta' ħlas ta' detentur ta' DCA li jkun min ħallas: (i) id-detentur ta' DCA għandu jagħmel in-notifika meħtieġa jew jikseb il-kunsens f'isem il-bank ċentrali li huwa meħtieġ primarjament biex jagħmel notifika jew biex jikseb kunsens, u għandu jipprovdi lil [daħħal isem il-BĊ] b'evidenza li jkun għamel notifika jew li jkun irċieva l-kunsens; (ii) id-detentur ta' DCA m'għandu jdaħħal l-ebda ordni ta' trasferiment ta' likwidità DCA lil PM jew ordni ta' trasferiment ta' likwidità DCA lil DCA f'TARGET2 sakemm ikun kiseb konferma mill-[daħħal isem il-BĊ] li n-notifika meħtieġa tkun saret jew li jkun inkiseb il-kunsens minn jew f'isem il-fornitur tas-servizz ta' ħlas ta' min jitħallas;

(b)

meta l-[daħħal isem il-BĊ] ikun fornitur tas-servizz ta' ħlas ta' detentur ta' DCA li jirċievi l-ħlas, id-detentur ta' DCA għandu jagħmel in-notifika meħtieġa jew jikseb il-kunsens f'isem il-bank ċentrali li jkun primarjament meħtieġ li jagħmel notifika jew jikseb il-kunsens, u għandu jipprovdi lil [daħħal isem il-BĊ] b'evidenza li għamel notifika jew li jkun irċieva l-kunsens.

Għall-finijiet ta' dan il-paragrafu, il-kliem ‘fornitur ta' servizz ta' ħlas’, ‘min iħallas’ u ‘min jitħallas’ għandu jkollhom it-tifsir li jingħatalhom fil-miżuri amministrattivi jew restrittivi applikabbli.

Artikolu 29

Avviżi

1.   Ħlief fejn ipprovdut mod ieħor f'dawn il-Kundizzjonijiet, l-avviżi kollha meħtieġa jew permessi skont dawn il-Kundizzjonijiet għandhom jintbagħtu permezz tal-posta rreġistrata, faks jew altrimenti bil-miktub jew b'messaġġ awtentikat permezz ta' fo0rnitur tas-servizz tan-netwerk T2S. Avviżi lil [daħħal isem il-BĊ] għandhom ikunu sottomessi lill-kap tal-[daħħal d-dipartiment għas-servizzi ta' ħlas jew it-taqsima relevanti tal-BĊ] ta' [daħħal isem il-BĊ], [inkludi l-indirizz rilevanti tal-BĊ] jew lil [daħħal l-indirizz BIC tal-BĊ]. Avviżi lid-detentur ta' DCA għandhom jintbagħtulu fl-indirizz, numru ta' faks jew indirizz BIC tiegħu li d-detentur ta' DCA jista' minn żmien għal żmien jinnotifika lil [daħħal isem il-BĊ].

2.   Sabiex jiġi ppruvat li jkun intbagħat avviż, għandu jkun biżżejjed li jiġi ppruvat illi l-avviż ġie kkonsenjat lill-indirizz relevanti jew li l-envelopp li kien fih dan l-avviż kien indirizzat u mibgħut bil-posta kif suppost.

3.   L-avviżi kollha għandhom jingħataw bi [daħħal l-ilsien nazzjonali relevanti u/jew ‘l-Ingliż’].

4.   Id-detenturi ta' DCA għandhom ikunu marbutin mal-formoli u d-dokumenti kollha tal-[daħħal isem il-BĊ] li d-detenturi ta' DCA jkunu mlew u/jew iffirmaw, inkluż, iżda mhux limitati għal, formoli għall-ġbir ta' dejta statika, kif imsemmi fl-Artikolu 6(2)(a), u informazzjoni mogħtija skont l-Artikolu 10(5), li ġew ippreżentati b'konformità mal-paragrafi 1 u 2 u li l-[daħħal isem il-BĊ] raġonevolment jemmen li waslu mingħand id-detenturi ta' DCA, l-impjegati jew l-aġenti tagħhom.

Artikolu 30

Relazzjoni kuntrattwali mal-fornitur tas-servizz tan-netwerk T2S

1.   Kull detentur ta' DCA jista' jidhol fi ftehim separat ma' fornitur tas-servizz tan-netwerk fir-rigward tas-servizzi li għandhom jingħataw fir-rigward tal-użu mid-detentur ta' DCA tad-DCA. Ir-relazzjoni legali bejn detentur ta' DCA u fornitur tas-servizz tan-netwerk T2S għandha tkun irregolata esklussivament bit-termini u l-kundizzjonijiet tal-ftehim separat tagħhom.

2.   Is-servizzi li għandu jipprovdi fornitur tas-servizz tan-netwerk T2S m'għandhomx jagħmlu parti mis-servizzi li għandhom jitwettqu minn [daħħal isem il-BĊ] fir-rigward ta' TARGET2.

3.   Il-[daħħal isem il-BĊ] m'għandu jkun responsabbli għal ebda att, żball jew ommissjoni tal-fornitur tas-servizz tan-netwerk T2S (inklużi d-diretturi, il-persunal u s-subkuntratturi tiegħu), jew għal ebda att, żball jew ommissjoni minn terzi magħżula minn detenturi ta' DCA biex ikollhom aċċess għan-netwerk ta' fornitur tas-servizz tan-netwerk T2S.

Artikolu 31

Proċedura ta' emenda

Il-[daħħal isem il-BĊ] jista' f'kull żmien jemenda unilateralment dawn il-Kundizzjonijiet, inklużi l-Appendiċijiet tagħhom. L-emendi ta' dawn il-Kundizzjonijiet, inklużi l-Appendiċijiet tagħhom, għandhom jitħabbru permezz ta' [daħħal il-mezzi rilevanti ta' tħabbir]. L-emendi għandhom jitqiesu aċċettati sakemm id-detentur ta' DCA ma joġġezzjonax b'mod espliċitu fi żmien 14-il jum minn meta huwa jiġi mgħarraf b'dawn l-emendi. Fil-każ li detentur ta' DCA joġġezzjona għall-emenda, il-[daħħal isem il-BĊ] huwa intitolat li immedjatament jittermina u jagħlaq dak id-DCA tad-detentur ta' DCA fit TARGET2-[daħħal ir-referenza BĊ/pajjiż].

Artikolu 32

Drittijiet ta' terzi

1.   Kull dritt, interess, obbligu, responsabbiltà u talba li joħorġu minn jew li għandhom x'jaqsmu ma' dawn il-Kundizzjonijiet ma jistgħux jiġu ttrasferiti, mirhuna jew ċeduti mid-detenturi ta' DCA lil xi terza parti mingħajr il-kunsens bil-miktub ta' [daħħal isem il-BĊ].

2.   Dawn il-Kundizzjonijiet ma joħolqux drittijiet u obbligi lejn ebda entità ħlief il-[daħħal isem il-BĊ] u detenturi ta' DCA f'TARGET2- [daħħal ir-referenza BĊ/pajjiż].

Artikolu 33

Liġi applikabbli, ġurisdizzjoni u post ta' twettiq

1.   Ir-relazzjoni bilaterali bejn il-[daħħal isem il-BĊ] u d-detenturi ta' DCA f'TARGET2-[daħħal ir-referenza BĊ/pajjiż] għandha tkun irregolata mil-liġi [daħħal l-aġġettiv dwar isem il-pajjiż].

2.   Mingħajr preġudizzju għall-kompetenza tal-Qorti tal-Ġustizzja tal-Unjoni Ewropea, kull tilwima li tirriżulta minn kwistjoni marbuta mar-relazzjoni msemmija fil-paragrafu 1 taqa' taħt il-kompetenza esklussiva tal-qrati kompetenti ta' [daħħal il-post tas-sede tal-BĊ].

3.   Il-post tat-twettiq fir-rigward tar-relazzjoni legali bejn [daħħal ir-referenza għall-BĊ] u d-detenturi ta' DCA għandu jkun [daħħal il-post tas-sede tal-BĊ].

Artikolu 34

Separabbiltà

Jekk xi dispożizzjoni f'dawn il-Kundizzjonijiet hija jew issir invalida, dan m'għandux jippreġudika l-applikabbiltà tad-dispożizzjonijiet l-oħra kollha ta' dawn il-Kundizzjonijiet.

Artikolu 35

Dħul fis-seħħ u natura vinkolanti

1.   Dawn il-Kundizzjonijiet isiru effettivi minn [daħħal id-data rilevanti].

2.   [Daħħal jekk xieraq taħt il-liġi nazzjonali rilevanti: B'talba għal DCA f'TARGET2-[daħħal ir-referenza BĊ/pajjiż], l-entitajiet li japplikaw jaqblu awtomatikament ma' dawn il-Kundizzjonijiet bejniethom u fil-konfront ta' [daħħal isem il-BĊ].]

“ANNESS IIIa

KUNDIZZJONIJIET GĦAL OPERAZZJONIJIET TA' AWTOKOLLATERALIZZAZZJONI

Definizzjonijiet

Għall-finijiet ta' dan l-Anness:

(1)

‘awtokollateralizzazzjoni’ tfisser kreditu intraday mogħti mill-BĊE taż-żona tal-euro fi flus tal-bank ċentrali attivat meta detentur ta' DCA jkollu fondi insuffiċjenti biex iħallas tranżazzjonijiet ta' titoli, fejn dan il-kreditu intraday jiġi kkollateralizzat jew bix-xiri ta' titoli (kollateral on flow), jew b'titoli miżmumin diġà mid-detentur ta' DCA (kollateral on stock);

(2)	‘likwidità disponibbli’ tfisser il-bilanċ ta' kreditu fuq id-DCA mnaqqas bl-ammont ta' kull riżerva pproċessata ta' likwidità jew imblokkar ta' fondi,

(3)	‘Kont ta' Kontanti Dedikat (DCA)’ ifisser kont miżmum minn detentur ta' DCA, miftuħ f'TARGET2 -[daħħal ir-referenza BĊ/pajjiż], u użati għal ħlasijiet f'kontanti fir-rigward ta' ħlas ta' titoli f'T2S;

(4)

‘istituzzjoni ta' kreditu’ tfisser jew: (a) istituzzjoni ta' kreditu fit-tifsira tal-punt (1) tal-Artikolu 4(1) tar-Regolament (UE) Nru 575/2013 [u, jekk ikun rilevanti, daħħal id-dispożizzjonijiet tal-liġi nazzjonali li timplimenta l-Artikolu 2(5) tad-Direttiva 2013/36/UE] li hija suġġetta għas-superviżjoni minn awtorità kompetenti; jew (b) istituzzjoni ta' kreditu oħra fit-tifsira tal-Artikolu 123(2) tat-Trattat li hija suġġetta għall-iskrutinju ta' standard paragunabbli għas-superviżjoni minn awtorità kompetenti;

(5)	‘fergħa’ tfisser fergħa fit-tifsira tal-punt (17) tal-Artikolu 4(1) tar-Regolament (UE) Nru 575/2013;

(6)	‘rabtiet mill-qrib’ tfisser rabtiet mill-qrib fit-tifsira tal-Artikolu 138 tal-Linja Gwida (UE) 2015/510 (BĊE/2014/60) tal-Bank Ċentrali Ewropew;

(7)	‘proċeduri ta' insolvenza’ tfisser proċeduri ta' insolvenza fit-tifsira tal-Artikolu 2(j) tad-Direttiva 98/26/KE;

(8)

‘każ ta' inadempjenza’ ifisser kull każ imminenti jew eżistenti, li l-okkorrenza tiegħu tista' thedded lil entità fil-qadi tal-obbligi tagħha taħt [daħħal referenza għall-arranġamenti li jimplimentaw il-Kundizzjonijiet Armonizzati għal Ftuħ u l-Operazzjoni ta' Kont ta' Kontanti Dedikat f'TARGET2 u d-dispożizzjonijiet ta' dan l-Anness IIIa] jew kull regola oħra (inklużi dawk speċifikati mill-Kunsill Governattiv fir-rigward tal-operazzjonijiet tal-politika monetarja tal-Eurosistema) li japplikaw għar-relazzjoni bejn dik l-entità u kull BĊi tal-Eurosistema, inkluż: (a) meta l-entità ma tissodisfax iktar il-kriterji ta' aċċess u/jew ir-rekwiżiti tekniċi stabbiliti fi [daħħal referenza għall-arranġamenti li jimplimentaw il-Kundizzjonijiet Armonizzati għal Ftuħ u l-Operazzjoni ta' Kont PM f'TARGET2 u, jekk japplika, l-Anness V] jew fejn l-eliġibbiltà tagħha bħala kontroparti tal-operazzjonijiet tal-politika monetarja tal-Eurosistema ġiet sospiża jew itterminata; (b) il-ftuħ ta' proċeduri ta' insolvenza b'rabta mal-entità; (c) is-sottomissjoni ta' applikazzjoni marbuta mal-proċeduri msemmijin fil-punt (b); (d) il-ħruġ mill-entità ta' dikjarazzjoni bil-miktub dwar l-inabbiltà tagħha li tħallas id-djun kollha tagħha jew xi parti minnhom jew li tissodisfa l-obbligi tagħha li jirriżultaw b'rabta ma' kreditu intraday; (e) id-dħul tal-entità fi ftehim ġenerali volontarju jew ftehim mal-kredituri tagħha; (f) fejn l-entità hija, jew hija meqjusa mill-[daħħal isem il-BĊ] li hi, insolventi jew ma tistax tħallas id-djun tagħha; (g) fejn il-bilanċ ta' kreditu tal-entità fuq il-kont PM tagħha u/jew id-DCA jew l-assi kollha tal-entità jew parti sostanzjali minnhom huma suġġetti għal ordni ta' ffriżar, sekwestru, qbid jew kull proċedura oħra intiża biex tipproteġi l-interess pubbliku jew it-tariffi tal-kredituri tal-entità; (h) fejn il-parteċipazzjoni tal-entità f'sistema ta' komponent ta' TARGET2 oħra u/jew f'sistema anċillari ġiet sospiża jew itterminata; (i) fejn rappreżentazzjoni materjali jew dikjarazzjoni prekontrattwali magħmula mill-entità jew li huwa implikat li saret mill-entità taħt il-liġi applikabbli hija skorretta jew mhux vera; jew (j) iċ-ċessjoni tal-assi kollha tal-entità jew parti sostanzjali minnhom.

Entitajiet eliġibbli

1.

Minkejja l-paragrafu 13, [daħħal isem il-BĊ] għandu, mis-6 ta' Frar 2017 u wara talba, joffri faċilitajiet ta' awtokollateralizzazzjoni lill-entitajiet li lilhom jipprovdi kreditu intraday skont l-Anness III, bil-kundizzjoni li dawn l-entitajiet ikollhom kemm DCA u kont PM ma' [daħħal isem il-BĊ] u ma jkunux suġġetti għal miżuri restrittivi adottati mill-Kunsill tal-Unjoni Ewropea jew Stat Membru bis-saħħa tal-Artikolu 65(1)(b), l-Artikolu 75 jew l-Artikolu 215 tat-Trattat, [li l-implementazzjoni tagħhom, fil-fehma tal-[daħħal isem il-BĊ] wara li jinforma lill-BĊE, huwa inkompatibbli mal-funzjonament bla xkiel ta' TARGET2].

2.

L-awtokollateralizzazzjoni għandha tkun limitata għal intraday biss. M'għandhiex tkun possibbli estensjoni tal-kreditu ta' matul il-lejl.

Kollateral eliġibbli

3.

L-awtokollateralizzazzjoni għandha tkun ibbażata fuq kollateral eliġibbli. Kollateral eliġibbli għandu jikkonsisti mill-istess assi bħala eliġibbli għall-użu għall-operazzjonijiet tal-politika monetarja tal-Eurosistema, u għandu jkun suġġett għall-istess regoli dwar il-valutazzjoni u l-kontroll tar-riskju bħal dawk stabbiliti fil-Parti Erbgħa tal-Linja Gwida (UE) 2015/510 (BĊE/2014/60). Barra minn hekk, kollateral eliġibbli għall-awtokollateralizzazzjoni: (a) jista' jiġi limitat minn BĊNi taż-żona tal-euro permezz ta' esklużjoni ex ante ta' kollateral potenzjali b'rabta mill-qrib; (b) għandu jiġi mmobilizzat, fil-każ ta' użu transkonfinali, permezz ta' konnessjoni kkunsidrata bħala eliġibbli għall-użu f'operazzjonijiet ta' kreditu tal-Eurosistema mill-Kunsill Governattiv tal-BĊE u ppubblikat fil-websajt tal-BĊE (******); (c) huwa suġġett għal ċerti għażliet diskrezzjonali għall-esklużjoni ta' kollateral eliġibbli kif mogħti lill-BĊNi taż-żona tal-euro b'deċiżjonijiet tal-Kunsill Governattiv tal-BĊE;

4.

Strumenti ta' dejn maħruġa jew iggarantiti mill-entità, jew minn kull terza persuna oħra li magħha l-entità għandha rabtiet mill-qrib, jistgħu jiġu aċċettati biss bħala kollateral eliġibbli fis-sitwazzjonijiet stabbiliti fil-Linja Gwida BĊE/2014/60.

Proċedura ta' għoti ta' kreditu u rkupru

5.

L-awtokollateralizzazzjoni tista' tiġi pprovduta biss fil-jiem ta' negozju.

6.

Kreditu miksub permezz tal-awtokollateralizzazzjoni għandu jiġi pprovdut mingħajr imgħax.

7.

It-tariffi għandhom jiġu imposti għall-għoti tal-awtokollateralizzazzjoni skont l-iskeda tat-tariffi mehmuża bħala l-Appendiċi VI tal-Anness IIa.

8.

L-awtokollateralizzazzjoni tista' tiġi rrimborsata fi kwalunkwe żmien matul il-jum mid-detentur ta' DCA billi tiġi segwita l-proċedura deskritta fl-T2S UDSF.

9.

L-awtokollateralizzazzjoni għandha tiġi rrimborsata mhux iktar tard mill-ħin definit fi [daħħal referenza għall-arranġamenti li jimplimentaw l-Appendiċi V mal-Kundizzjonijiet Armonizzati għall-Ftuħ u l-Operazzjoni ta' Kont ta' Kontanti Dedikat f'TARGET2], u skont il-proċess li ġej: (a) il-[daħħal isem il-BĊ] li jaġixxi permezz tal-Pjattaforma T2S jirrilaxxa l-istruzzjoni tar-rimbors li tiġi mħallsa skont jekk hemmx kontanti disponibbli biex tiġi rrimborżata l-awtokollateralizzazzjoni pendenti; (b) jekk, wara li jittieħed il-pass (a), il-bilanċ fuq id-DCA mhuwiex biżżejjed biex tiġi rimborsata l-awtokollateralizzazzjoni pendenti, il-[daħħal isem il-BĊ] li jaġixxi permezz ta' verifiki tal-Pjattaforma T2S jivverifika DCAs oħra miftuħin fil-kotba tiegħu għall-istess detentur ta' DCA u jittrasferixxi kontanti minn kull jew kwalunkwe DCA minn dawn fejn l-istruzzjonijiet ta' rimbors huma pendenti; (c) jekk, wara li jittieħdu l-pass (a) u (b), il-bilanċ fuq DCA ma huwiex biżżejjed biex isir rimbors tal-awtokollateralizzazzjoni pendenti, id-detentur ta' DCA għandu jitqies li ta struzzjoni lil [daħħal isem il-BĊ] biex jittrasferixxi l-kollateral użat biex tinkiseb l-awtokollateralizzazzjoni pendenti fil-kont kollaterali ta' [daħħal isem il-BĊ]. Imbagħad, il-[daħħal isem il-BĊ] għandu jipprovdi l-likwidità biex isir ir-rimbors tal-awtokollateralizzazzjoni pendenti u mingħajr dewmien jiġi ddebitat l-kont PM rilevanti tad-detentur ta' DCA. (d) Il-[daħħal isem il-BĊ] għandu japplika dritt penali ta' EUR 1 000 għal kull jum tax-xogħol fejn wieħed jirrikorri darba jew iżjed għal riallokazzjoni ta' kollateral skont il-punt (c).

Sospensjoni, limitazzjoni jew terminazzjoni ta' faċilitajiet ta' awtokollateralizzazzjoni

10.

(a) [daħħal isem il-BĊ] għandu jissospendi jew jittermina l-aċċess għall-faċilitajiet ta' awtokollateralizzazzjoni jew iseħħ wieħed mill-każijiet ta' inadempjenza li ġejjin: (i) id-DCA jew il-kont PM tal-entità mal-[daħħal isem il-BĊ] huwa sospiż jew magħluq; (ii) l-entità kkonċernata ma tibqax tissodisfa xi wieħed mir-rekwiżiti stabbiliti fi [daħħal ir-referenza għad-dispożizzjonijiet li jimplimentaw dawn il-Kundizzjonijiet għall-operazzjonijiet ta' awtokollateralizzazzjoni]; (iii) deċiżjoni tittieħed minn awtorita' kompetenti ġudizzjarja jew oħra biex timplimenta fir-rigward tal-entità proċedura għal-likwidazzjoni tal-entità jew il-ħatra ta' likwidatur jew uffiċjal analogu għall-entità jew proċedura oħra analoga, (iv) l-entità ssir suġġetta għall-iffriżar ta' fondi u/jew miżuri oħra imposti mill-Unjoni u li jirrestrinġu l-abbiltà tal-entità biex tuża l-fondi tagħha; (v) l-eliġibbiltà ta' entità bħala kontroparti għall-operazzjonijiet tal-politika monetarja ġiet sospiża jew itterminata. (b) [daħħal isem il-BĊ] jistgħu jitterminaw l-aċċess għall-faċilitajiet ta' awtokollateralizzazzjoni jekk BĊN jissospendi jew jittermina l-parteċipazzjoni tad-detentur ta' DCA f'TARGET2 skont l-Artikolu 24(2)(b) sa (d) tal-Anness IIa, jew iseħħ wieħed jew aktar mill-każijiet ta' inadempjenza (minbarra dawk imsemmijin fl-Artikolu 24(2)(a) tal-Anness IIa). (c) L-Eurosistema tista' tiddeċiedi li tissospendi, tillimita jew teskludi l-aċċess tal-kontropartijiet għall-istrumenti ta' politika monetarja għal raġunijiet ta' prudenza jew xorta oħra skont l-Artikolu 158 tal-Linja Gwida (UE) Nru 2015/510 (BĊE/2014/60). F'dawn il-każijiet, il-[daħħal isem il-BĊ] għandhom jimplimentaw dik id-deċiżjoni fir-rigward ta' aċċess għall-faċilitajiet ta' awtokollateralizzazzjoni skont id-dispożizzjonijiet fl-arranġamenti kuntrattwali jew regolatorji applikati mill-[daħħal isem il-BĊ]. (d) [daħħal isem il-BĊ] jista' jiddeċiedi li jissospendi, jillimita jew jittermina l-aċċess ta' detentur ta' DCA għal faċilitajiet ta' awtokollateralizzazzjoni jekk id-detentur ta' DCA jitqies li joħloq riskji għal raġunijiet ta' prudenza. F'dawn il-każijiet, il-[daħħal isem il-BĊ] għandu jinnotifka b'dan immedjatament lill-BĊE u BĊNI oħrajn taż-żona tal-euro u BĊNi konnessi bil-miktub. Meta jkun xieraq, il-Kunsill Governattiv għandu jiddeċiedi fuq l-implimentazzjoni uniformi tal-miżuri meħudin fis-sistemi komponenti kollha ta' TARGET2.

11.

Meta [daħħal isem il-BĊ] jiddeċiedi li jissospendi, jillimita jew jittermina l-aċċess ta' detentur ta' DCA għal faċilitajiet ta' awtokollateralizzazzjoni skont il-paragrafu 10(d), dik id-deċiżjoni ma għandhiex tidħol fis-seħħ sakemm il-BĊE jkun approvaha.

12.

B'deroga mill-paragrafu 11, f'ċirkustanzi urġenti [daħħal isem il-BĊ] jista' jissospendi aċċess ta' detentur ta' DCA għal faċilitajiet ta' awtokollateralizzazzjoni b'effett immedjat. F'dawn il-każijiet, il-[daħħal isem il-BĊ] għandu jinnotifka b'dan immedjatament lill-BĊN bil-miktub. Il-BĊE għandu jkollu s-setgħa li jreġġa' lura l-azzjoni tal-[daħħal isem il-BĊ]. Iżda, jekk il-BĊE ma jibgħatx lil [daħħal isem il-BĊ] avviż li jkun reġġa' lura d-deċiżjoni fi żmien għaxat ijiem tan-negozju minn meta l-BĊE jkun irċieva n-notifika, il-BĊE għandu jitqies li jkun approva l-azzjoni tal-[daħħal isem il-BĊ].

Dispożizzjoni tranżitorja

13.

B'deroga mill-paragrafu 1, fil-perijodu bejn it-22 ta' Ġunju 2015 sas-6 ta' Frar 2017 [daħħal isem il-BĊ] jista', wara talba, joffri faċilitajiet ta' awtokollateralizzazzjoni lill-entitajiet li lilhom jipprovdi kreditu intraday skont l-Anness III, bil-kundizzjoni li dawn l-entitajiet ikollhom kemm DCA kif ukoll kont PM ma' [daħħal isem il-BĊ] u ma jkunux suġġetti għal miżuri restrittivi adottati mill-Kunsill tal-Unjoni Ewropea jew Stat Membru bis-saħħa tal-Artikolu 65(1)(b), l-Artikolu 75 jew l-Artikolu 215 tat-Trattat, [li l-implementazzjoni tagħhom, fil-fehma tal-[BĊ/referenza tal-pajjiż] wara li jinforma lill-BĊE, tkun inkompatibbli mal-funzjonament bla xkiel ta' TARGET2].;