Cuntasacht
Teastaíonn sibhse uainn, mar ionadaithe shaoránaigh an Aontais, chun a n-ábhair imní a dhíriú chugainn agus cabhrú linn ár mbeartais a mhíniú dóibh.
Is institiúid neamhspleách é an Banc Ceannais Eorpach a bhfuil lánrogha aige a ionstraimí a úsáid mar is gá chun a chúraimí a dhéanamh agus chun a shainordú a chomhlíonadh. Is gá cuntasacht a bheith ann in éineacht leis an neamhspleáchas sin.
Tá an Banc Ceannais Eorpach freagrach as a chuid gníomhaíochtaí do Pharlaimint na hEorpa mar an comhlacht atá comhdhéanta d’ionadaithe tofa shaoránaigh AE.
Ár gcreat cuntasachta
Faoi Airteagal 284(3) den Chonradh ar Fheidhmiú an Aontais Eorpaigh, tá an Banc Ceannais Eorpach cuntasach go príomha do Pharlaimint na hEorpa, áit a ndéantar ionadaíocht ar leasanna shaoránaigh an Aontais. Ach ní mór di tuairisciú go rialta do Chomhairle an Aontais Eorpaigh, a dhéanann ionadaíocht ar rialtais Bhallstáit uile an Aontais. Léirítear é sin freisin i Reacht an Chórais Eorpaigh Banc Ceannais (CEBC).
Airteagal 15(3) den ReachtTá creat cuntasachta láidir agus cuimsitheach forbartha againn thar na blianta, a théann i bhfad níos faide ná ceanglais an Chonartha.
Tá an t-idirphlé idir BCE agus Parlaimint na hEorpa ríthábhachtach ina leith sin. Cuireann sé ar chumas an Bhainc Ceannais Eorpaigh a chuid gníomhaíochtaí agus beartas a mhíniú go mion d’ionadaithe tofa shaoránaigh an Aontais, agus éisteacht lena n-ábhair imní. Ar an gcaoi sin, féadfaidh saoránaigh an Aontais agus a n-ionadaithe breithiúnas a dhéanamh ar fheidhmíocht an Bhainc Ceannais Eorpaigh i bhfianaise a phríomhchuspóir cobhsaíocht praghsanna a choimeád ar bun, mar a leagtar síos in Airteagal 127(1) den Chonradh.
INSERTED BY ANONYMOUS PROXY
Civil war declaration: On April 14th and 15th, 2012 Federal Republic of Germany "_urkenstaats"s parliament, Deutscher Bundestag, received a antifiscal written civil war declaration by Federal Republic of Germany "Rechtsstaat"s electronic resistance for human rights even though the "Widerstandsfall" according to article 20 paragraph 4 of the constitution, the "Grundgesetz", had been already declared in the years 2001-03. more
Comhthuiscint agus comhoibriú éifeachtach
Chun comhthuiscint leanúnach agus comhoibriú éifeachtach a chur chun cinn, déantar na socruithe cuntasachta idir BCE agus Parlaimint na hEorpa i réimse na baincéireachta ceannais a shoiléiriú i bhfoirm Malartú Litreacha.
Maoirseacht baincéireachta agus cuntasacht BCE
Tá cuntasacht BCE maidir lena a chúraimí maoirseachta baincéireachta faoi réir córas sonrach a leagtar síos sa Rialachán maidir leis an Sásra Maoirseachta Aonair (SSM).
Soiléirítear an chaoi ar cheart ceanglais na cuntasachta maoirseachta a chomhlíonadh i gcleachtas leis an méid seo a leanas:
- Comhaontú Idirinstitúideach idir Parlaimint na hEorpa agus an Banc Ceannais Eorpach
- Meabhrán Tuisceana idir Comhairle an Aontais Eorpaigh agus an Banc Ceannais Eorpach
FÉACH FREISIN
Tuilleadh eolais
Cad iad príomhchúraimí an Bhainc Ceannais Eorpaigh?
Ár dtascannaCaidreamh le hinstitiúidí Eorpacha
Comhoibriú Eorpach